Zayniddin Tojiev oliy ligada beshinchi klub safida gol urdi

2001 yildan buyon oliy ligada faoliyat olib borayotgan hujumchi bunga qadar to'rtta klub safida gol urishga erishgandi.

O'zining oliy ligadagi debyut mavsumini Zayniddin Tojiev Toshkentning “Akademiya” klubida o'tkazgan va raqiblar darvozasiga jami 10ta gol urgandi.

So'ngra bir necha yil davomida “Paxtakor” sharafini himoya qilib raqiblar darvozasiga jami 70ta gol urgan.

2010 yil “SHo'rtan” tarkibida 8ta o'yinda qatnashib ikkita gol urishga erishgan Tojiev 2012 yil “Lokomotiv” bilan oliy ligaga qaytdi. Bu klub safida oliy ligada bir yarim mavsum o'ndan ortiq to'p kiritishga muvaffaq bo'ldi. Yozda esa Zayniddin Farg'onadan bo'lgan taklifga rozi bo'ldi va “Neftchi” tarkibidan o'rin oldi.