Zafarmurod Abdirahmatov: "Hindistonni yaxshi o'rgandik va uchrashuvga tayyormiz"

- Terma jamoa safidagi dastlabki katta musobaqa siz uchun qanday o'tmoqda? Hayajon bormi?

- Bosh murabbiy Osiyo kubogida ishtirok etish imkoniyatini taqdim etganidan juda xursandman. Tayyorgarlik yaxshi kechmoqda. Osiyo kubogida muxlislar kutgan yaxshi natijaga erishamiz va shunga harakat qilamiz.

- U-20 terma jamoasi bilan asosiy terma jamoani solishtirganda qanday farq his etmoqdasiz? Asosiy terma jamoada bosim bormi?

- Bu borada qiyinchilik his etmayapman. Barcha futbolchilar akalarim, ular meni qo'llab quvvatlab va joyi kelsa o'rgatib, yordam berib turishibdi. Xudo hoxlasa keyingi uchrashuvlarda natijalarimizni yaxshilaymiz.

- Qanotdagi yo'qotish sababli Hindiston terma jamoasiga qarshi o'yinda Srechko Katanec sizga imkoniyat berishi mumkinmi? Sizning fikringiz qanday?

- Balki imkoniyat berar, u murabbiyning qarori. Men faqatgina o'z ishimni alo darajada bajarishda davom etishim kerak. Hindistonni yaxshi o'rgandik va keyingi uchrashuvga tayyormiz. Umid qilamanki Hindistonga qarshi uchrashuvda o'zimizga kerakli natijaga erishamiz.

Abdulvosit Bektemirov suhbatlashdi