Yozda “Al Hilol”ni to'xtatishni iloji yo'qdek. Klub “Napoli” yarim himoyachisiga rasmiy taklif bilan chiqdi

Saudiyaliklar “Napoli” yarim himoyachisi Pyotr Zelinskiga rasmiy shartnoma taklif qildi. Klub futbolchi bilan uch yillik shartnoma imzolamoqchi va unga yiliga 10-12 million evro to'lashga tayyor. O'z o'rnida “Napoli” ushbu transferdan 25 million evro ishlab olishni reja qilgan.

27 yoshli futbolchi o'tgan mavsumda “Napoli” safida barcha musobaqalarda 48 ta uchrashuvda maydonga tushdi. Uning hisobida 7 ta gol va 10 ta golli uzatma bor. Pyotr Zelinskining neapolliklar bilan amaldagi shartnomasi kelasi yil yakunlanadi.