“Yoshlik” – Xorazm viloyati chempioni

Uchrashuvlar markazlashgan holda Urganch shahridagi “Yoshlik” sport majmuasi stadioni va Xorazm viloyati futbol mahorati maktabi maydonida uyushtirildi.

Musobaqaning dastlabki bosqichida 16 ta jamoa “A” va “V” guruhlariga taqsimlangan holda bir davrali tizimda o'zaro kuch sinashishdi. Bosqich o'yinlari yakuniga ko'ra, o'z guruhlarida dastlabki ikki o'rinni egallagan jamoalar yarim final juftliklarini hosil qilishdi.

Ushbu bosqichda Urganch shahridagi Sport o'yinlari va engil atletikaga ixtisoslashtirilgan bolalar-o'smirlar sport maktabi(direktori Jamoladdin Abdullaev)ning “Yoshlik” jamoasi va “Hazorasp”(Hazorasp tumani) jamoasi ro'para keldi. Bu o'yinda “Yoshlik” futbolchilari g'alaba qozonishdi, 3:2. Ikkinchi o'yinda “Xorazm U-18” jamoasi “Xiva t.”(Xiva tumani) jamoasi ustidan 3:1 hisobida zafar quchdi.

Hal qiluvchi o'yinlar “Yoshlik” sport majmuasi stadionida tashkil etildi. Xususan, uchinchi o'rin uchun kechgan bellashuvda “Hazorasp”lik futbolchilar “Xiva t.” jamoasini 7:1 hisobida engishdi. Finalda viloyat markazining ikki jamoasi “Yoshlik” va “Xorazm U-18” jamoalari ro'para keldi. Tarkibiga Ro'zim Ahmedov, Marks Quramboev, Jamoladdin Masharipov singari tajribali futbolchilarni, iqtidorli yoshlarni jamlagan “Yoshlik” jamoasi raqibini yirik hisobda dog'da qoldirdi, 8:2. SHunday qilib, “Yoshlik” jamoasi 2020 yilgi Xorazm viloyati chempionligini qo'lga kiritdi.

Ushbu jamoaning muvaffaqiyatining yana bir jihati shundaki, unga nafaqat Xorazm vohasida, umuman, respublikamiz futbol ixlosmandlariga ham futbolchi, ham trener sifatida yaxshi tanilgan Vali Sultonov ustozlik qilmoqda.
“Yoshlik” jamoasi futbolchilari birinchilik mobaynida raqiblari darvozasini 49 marta ishg'ol qilishdi. SHundan, Ro'zim Ahmedov – 14 ta, Jamoladdin Masharipov-8 ta, SHohruh Iskandarov – 5 ta, Marks Quramboev, Javlon Egamov, SHohruh Yoqubov, Sirojiddin Xo'jaev – 4 tadan, Sarvar Hajiboev – 2 ta, Nizomaddin Otaniyozov, Bobur Rahimberganov, Baxtiyor Norboev, Mengliboy Jumaboev – 1 tadan gol muallifi bo'lishdi. Ro'zim Ahmedov musobaqaning to'purari sifatida etirof etildi.

Musobaqaning yopilish marosimi qatnashgan Xorazm viloyati hokimi, viloyat futbol associaciyasi prezidenti F.Ermanov so'zga chiqib, yurtimizda sportni rivojlantirish yo'lida olib borilayotgan ishlarning ahamiyati va mohiyati haqida to'xtalib, sovrinli o'rinlarni egallagan jamoalar futbolchilarini erishgan muvaffaqiyatlari bilan qizg'in qutladi. SHundan so'ng, g'olib va sovrindor jamoalarni viloyat hokimligining kubogi, diplomi va qimmatbaho sovg'alari bilan taqdirladi. SHuningdek, musobaqaning eng yaxshi o'yinchilari va boshqa ishtirokchi jamoalar ham hokimlik tomonidan munosib rag'batlantirildi.


Ikrom XUDOYBERGANOV, Urganch shahridan.