Yosh xorazmliklar musobaqa g'olibi
24 apr 2015 14:02
Yangiliklar

Yosh xorazmliklar musobaqa g'olibi

Buxoro viloyatining Peshku tumanidagi ixtisoslashtirilgan futbol maktab-internati tashabbusi bilan 2002-2003 yillarda tug'ilgan “charm to'p” ustalari o'rtasida respublika ochiq birinchiligi tashkil etildi.

Unda mezbonlardan tashqari Toshkent, Qashqadaryo, Xorazm, Navoiy viloyatlaridan 8 ta jamoa ishtirok qildi.

Yakuniy natijalarga ko'ra, Urganch shahridagi 5-son futbolga ixtisoslashgan maktab-internati (murabbiyi Odamboy Qurbonniyozov) tarbiyalanuvchilari g'oliblikni qo'lga kiritdi. Ikkinchi o'rin Toshkent viloyatining Bekobod shahri vakillariga nasib etdi. Faxrli uchinchi o'ringa SHofirkon FMI jamoasi joylashdi.

- Futbol yo'nalishidagi maktab-internatlari jamoalari o'rtasida o'zaro hamkorlik aloqalarini o'rnatganmiz, - deydi musobaqa bosh hakam A. Bozorov. – O'z navbatida birgalikda musobaqalar o'tkazishni yo'lga qo'yganmiz. Bundan ko'zlagan maqsadimiz shuki, yosh futbolchilarimizni, taktik va texnik jihatdan yuksak saviyali, yani amaliy tomonlama etuk tarzda voyaga etkazishdir.

Ikrom XUDOYBERGANOV

Havola :

Manba : oq-tepa.uz

Yangiliklarni Telegramda o'qing!

Reyting: