Yosh “qaldirg'ochlar” xalqaro turnir finalida!

Otabek G'ulomxo'jaev boshchilgidagi “Bunyodkor” futbol maktabining 2000 yilda tavallud topgan jamoasi yarim finalda ham g'alabali yurishini davom ettirdi.

Volgogradning “Rotor” jamoasiga qarshi kechgan uchrashuvda yosh “qaldirg'ochlar” 3:1 hisobida zafar quchishdi va turnir finaliga yo'l olishdi. Yarim finalning boshqa juftligida mezbonlar – Tarazning “Montajnik” jamoasi katta qiyinchilik bilan Ekaterinburgning “Ural” klubini 3:2 hisobida engishga muvaffaq bo'ldi.

Bugun turnirda so'nggi uchrashuvlar bo'lib o'tadi va unda quyidagi juftliklar kuch sinashishadi.

7-o'rin uchun: “Sparta” (Tomsk) – 5-BO'SM (Taraz).
5-o'rin uchun: Toshkent terma jamoasi – “Abdish-Ota” (Kant)
3-o'rin uchun: “Rotor” (Volgograd) – “Ural” (Ekaterinburg)
Final: “Bunyodkor” (Toshkent) – “Montajnik” (Taraz).

Eslatib o'tamiz, final ishtirokchilari guruh bahslarida ham uchrashishgan va unda jamoamiz 4:2 hisobida zafar quchgandi. Bugungi hal qiluvchi uchrashuvda ham yosh “qaldirg'ochlar”ga omad tilab qolamiz!