Yangiariqda yangi o'yingoh
07 sen 2014 08:51
Yangiliklar
![](https://championat.asia/upload/storage/143541_original.jpg)
![](/upload/storage/143541_220.jpg)
Yangiariqda yangi o'yingoh
O'zbekiston Bolalar sportini rivojlantirish jamg'armasi yurtimizda sport sohasida olib borilayotgan islohotlarga, ko'plab ibratli va xayrli ishlarga bosh-qosh bo'layotir.
Xalqimizning eng ulug', eng aziz bayrami - Mamlakatimiz mustaqilligining 23 yilligi arafasida Xorazm viloyatining Yangiariq tumani markazidagi “Yangiobod” mahallasida foydalanishga topshirilgan yangi sport majmuasi aynan jamg'arma mablag'lari hisobiga bunyod etildi. “Xorazm Diyor Maks serviz” masuliyati cheklangan jamiyatining 80 nafardan ziyod ishchisi samarali mehnat qilishib, ushbu obektni qisqa fursatda, yani olti oy ichida qurib bitkazishga erishishdi. Quvonarlisi, majmua tasarrufida 50x90 metr hajmli suniy qoplamali o'yingoh ham mavjud. Ochig'i, bunday katta o'lchamli suniy qoplamali o'yingoh nafaqat Yangiariqda, umuman Xorazm vohasida yo'q edi. Endilikda, tuman markazida katta futbol uchrashuvlarini o'tkazish imkoni tug'ildi.
Sport majmuasini ochilish marosimida qatnashgan Xorazm viloyati hokimi Po'lat Bobojonov, O'zbekiston xalq artisti Sanat Devonov Prezidentimiz rahbarligida diyorimizda amalga oshirilayotgan islohotlarning ahamiyati haqida to'xtalishib, Yangiariq tumani ahlini yangi sport koshonasi bilan muborakbod etishdi.
Tadbirda O'zbekiston xalq artistlari Gulora Rahimova, aka-uka G'ofur va G'ulom Eshjonovlar, shuningdek Yangiariq tumani madaniyat va sport ishlari bo'limining badiiy havaskorlari va yosh istedodli xonandalari kuylagan qo'shiqlar davraga bayramona kayfiyat ulashdi.
Ikrom XUDOYBERGANOV.
Sport majmuasini ochilish marosimida qatnashgan Xorazm viloyati hokimi Po'lat Bobojonov, O'zbekiston xalq artisti Sanat Devonov Prezidentimiz rahbarligida diyorimizda amalga oshirilayotgan islohotlarning ahamiyati haqida to'xtalishib, Yangiariq tumani ahlini yangi sport koshonasi bilan muborakbod etishdi.
Tadbirda O'zbekiston xalq artistlari Gulora Rahimova, aka-uka G'ofur va G'ulom Eshjonovlar, shuningdek Yangiariq tumani madaniyat va sport ishlari bo'limining badiiy havaskorlari va yosh istedodli xonandalari kuylagan qo'shiqlar davraga bayramona kayfiyat ulashdi.
Ikrom XUDOYBERGANOV.
![AMP Logo](https://championat.asia/image/logo-amp.png)
Fikrlar