Yangi mavsum oldidan klublar xavfsizlik oficerlari uchun seminar o'tkazildi

Futbol klublari tizimida faoliyat olib borayotgan xavfsizlik bo'yicha oficerlar bu borada huquq-tartibot idoralari vakillari va Liga komissarlari bilan yaqindan ish olib borishmoqda.

Liga so'nggi yillarda har mavsum avvalida klublarning xavfsizlik oficerlari uchun o'quv-seminari tashkil etib, ularning xizmat vazifalari, ularga qo'yiladigan talablar, o'yin oldidan va uchrashuv davomida stadion hududida xavfsizlik qoidalariga to'la rioya etilishini taminlash kabi jihatlar bo'yicha to'liq tushuncha berib kelmoqda.

2023 yilgi mavsum starti oldidan o'tkazilgan seminarda O'zPFL, O'FA, Ichki ishlar organlari va Milliy gvardiyaning jamoat tartibini saqlash bo'yicha masullari ishtirok etib, o'tgan mavsum bu borada amalga oshirilgan ishlar sarhisobini bajargan holda oldindagi mavsum uchun umumiy rejalar muhokama qilindi.

Bu yildan etiboran har bir futbol klubi o'z ichki xavfsizlik nizomini tasdiqladi. Endilikda uchrashuvlar paytida klublar xavfsizlik oficerlari aynan mana shu nizom asosida jamoat tartibini saqlash bo'yicha Liga, Ichki ishlar organlari va Milliy gvardiya bilan yaqin hamkorlikda ish olib boradi.