Xitoylik jurnalist: "Menimcha, o'yin durang bo'ladi"

Vakillarimizning bu galgi raqibi Xitoy terma jamoasi bo'ladi. Bilasiz, har ikkala jamoa ham dastlabki turda bir xil 1:0 hisobidagi g'alabani nishonladi. Endi esa jamoalar o'zaro uchrashuvda o'z kuchlarini sinab ko'rishadi.

Kecha milliy terma jamoamiz "Brisben Straykers" havaskorlar jamoasi uy uchrashuvlarini o'tkazadigan stadionda mashg'ulot o'tkazdi. Mashg'ulotni kuzatish uchun uch nafar xitoylik jurnalist kelgani haqida yozib o'tgandik. Ulardan biri Pey Li "sohu.com" degan saytda ishlar ekan. Mashg'ulot paytida biroz suhbatlashdik va fursatdan foydalanib ertangi bahs haqida uning fikrlari bilan qiziqdim.

"Birinchi o'yinda jamoamiz Saudiya Arabistonidan kuchli o'ynagani yo'q, shunchaki omad biz tomonda bo'ldi. Darvozabon bitta penaltini qaytardi, keyin o'yin oxirlarida gol urib uch ochkoni qo'lga kiritdik. O'zbekiston terma jamoasi birinchi o'yinini boshqa shaharda o'tkazgani uchun ko'ra olmadim. SHu bois nima deyishga ham hayronman. Futbolchilardan faqat Anzur Ismoilovni ko'proq eshitganman, xolos. CHunki u bizning chempionatda o'ynaydi".

"O'zbekiston bilan o'yinga xitoylik jurnalist va muxlislar ko'p keladimi?" - deya so'radim hamkasbdan.

"Menimcha, bizlar son jihatdan ko'pchilik bo'lamiz. Avstraliyada juda ko'p xitoyliklar yashaydi. Saudiya Arabistoni bilan kechgan bahsda besh ming atrofida xitoylik muxlis kirdi. Qolaversa, bizdan 150 nafarga yaqin OAV xodimlari bu erga kelishgan. SHunday ekan, odam ko'p bo'lishiga shubha qilmayman", - deydi Pey Li.

Xayrulla Xoliqov
Brisben