Xabi Alonso: "Jahon chempionatida Ispaniyadan yaxshiroq jamoani ko'rmayapman"

JCH-2006, 2010 va 2014 ishtirokchisi o'tgan mavsum futbolchilik faoliyatini yakunlaganidan beri o'zini murabbiylik sohasida sinashga yaqin turibdi. Mundial oldidan Xabi Alonso o'z terma jamoasi imkoniyatlarini yuqori baholadi.

- Futbolni tugatganingizga bir yil bo'ldi? Ishlar qanday ketyapti?
- Hammasi joyida. Fakt shuki, futboldan keyingi hayotim butunlay o'zgardi. Bu mening qarorim edi va uni o'z vaqtida amalga oshirganimdan xursandman.

- Nega aynan murabbiy bo'lishga qaror qildingiz?
- Murabbiylik kurslarida qatnashgach shu qarorga keldim. Men futbolchilarga yanada yaqin bo'lishni xohlayman, buning uchun esa murabbiy bo'lishim kerak deb o'yladim. Bilaman, bu juda qiyin kasb, lekin men harakat qilib bor kuchimga ishga solaman.

- Xulen Lopetegi Ispaniya terma jamoasida qanday ishlayapti?
- U juda yaxshi ish olib boryapti, bunga shubha yo'q. Uning miyasi shubhalardan xoli va bu juda muhim. U futbolchilarga nima xohlayotganini juda aniq qilib tushuntira oladi. Agar sen futbolchilar bilan til topisha olmasang sovrinlarga ega chiqmaysan. Buni Lopetegi yaxshi biladi.

- 2010 yil Jahon chempionatida g'olib chiqqan jamoa bilan hozirgisi o'rtasida qandaydir o'xshashlikni ko'ryapsizmi?
- O'yin olib borish fikri o'zgargani yo'q deb o'ylayman. Biz uchrashuvni nazorat qilishimiz kerak, hadeb oldinga o'tmasdan bazan to'pni maydon bo'ylab aylantirishga to'g'ri keladi. Lopetegi kelib terma jamoani kuchaytira oldi. Bu jamoa aql bilan harakat qilmoqda, vaqtni behuda sarflamaydi va texnik tomonlama yuqori. Bu esa bizni boshqalardan ajratib turadi.

- Albatta, Ispaniya ham favoritlardan biri. Imkoniyatlarni qanday baholaysiz?
- Bu shunchaki gap emas, men Ispaniyaga ishonaman. To'g'risini aytsam? 32ta ishtirokchi orasida bizdan yaxshiroq jamoani ko'rmayapman. Lekin o'yinlarda nima bo'lishini bilmayman. Germaniya ham favorit. Ular juda kuchli va hozirgi avlodi yaxshi futbolchilardan iborat. SHuningdek, Braziliya, Argentina, Franciya ham bor. Ammo biz bu jamoalarning baridan zo'rmiz.

- Jahon chempionati o'yinlarini ko'rish uchun Rossiyaga kelasizmi?
- Menga katta uchrashuvlarni stadionda ko'rish yoqadi, shu bois final uchun allaqachon chipta olib qo'yganman. Nasib qilsa final uchun Rossiyaga boraman, faqat borgan paytim Ispaniya finalda bo'lsa bo'lgani.