Voxid SHodiev: "Pishur bilan yaxshi munosabatdamiz"

Uchrashuvdan so'ng “qaldirg'ochlar”ning yagona goli muallifining o'yin borasidagi fikrlari bilan qiziqdik.

- Rossiya premer-ligasi ishtirokichisiga, xususan kuchli himoyachilarga qarshi to'p tepish qiyin bo'lmadimi?
- “Rostov” kuchli jamoa va ular yaxshi o'yin ko'rsatishdi. Biz ham murabbiylar tomonidan berilgan ko'rsatmalarni bajarishga harakat qildik. Umuman olganda, ushbu uchrashuv har ikkala tomon uchun foydali bo'ldi.

- Uchrashuvda Oleksandr Pishur bilan tandem hosil qildingiz. Hujumdagi sherigingiz bilan bir-birlaringizni oson tushunyapsizlarmi?
- Sasha bilan maydonda ham, uning tashqarisida ham yaxshi munosabatdamiz.

- “Rostov” darvozasiga kiritgan golingiz haqida nima deya olasiz?
- Sardor Rashidov burchak zarbasini yaxshi amalga oshirdi. Himoyachilarning hatosidan unumli foydalanib, bosh bilan darvozani ishg'ol qildim.