"Volgar" murabbiyi: "Bunyodkor" bizga chiroyli gollar urdi"

Raqib Rossiya FNL ishtirokchisi Astraxanning “Volgar” jamoasi bo'ldi. O'yindan so'ng raqib jamoa bosh murabbiyi Andranik Babayan o'z fikrlarini bildirdi.

“Bunyodkor”ni nafaqat Osiyoda, balki Evropada ham bilishadi. Biz bu darajadagi raqibga qarshi o'yin orqali o'zimizni nimalarga qodirligimizni tekshirib olmoqchi edik. Yakunda shunday ham bo'ldi. Uchrashuv davomida ko'rindiki, “Bunyodkor” shakllangan jamoa. Safida iqtidorli yoshlardan tashqari, tajribali futbolchilar ham bor. To'g'ri, hozirgi “Bunyodkor” tarkibida butun dunyoni o'ziga qarata oladigan legionerlar yo'q, ammo turli yoshdagi hamda Osiyo qitasidagi terma jamoa o'yinchilari etarlicha.

Bilamizki, “Bunyodkor”da ajoyib akademiya bor. Jamoa asosiy urg'uni tarbiyalanuvchilariga qaratmoqda. Bu qiyin yo'l, biroq qiziqarli va kelajagi bor. Bugungi raqibimizning mazkur qiyin va mashaqqatli yo'lida omad tilayman!

O'yin haqida nima deyishim mumkin? Biz bugun golga tortadigan xavfli vaziyatlarni ko'proq yuzaga keltirdik. Raqib ikkinchi bo'limga to'liq yangilangan tarkibda tushib kelgan bo'lsa-da, biz o'zgarishni amalga oshirmadik. CHunki ertaga ham o'yinimiz bor. Bunday vaziyatda barcha futbolchilarga yuklamani teng taqsimlash kerak.  Umumiy manoda uchrashuv kurashlarga boy tarzda kechdi. Taxminan bahs hamkasbimga ham maqul keldi. Yig'inlarga mos o'yin bo'ldi. O'tkazib yuborgan gollarimiz chiroyli ko'rinish olganini etirof etish joiz", - deydi "Volgar" ustozi.

"Bunyodkor" nazorat bahsida Rossiya klubi bilan durang o'ynadi