Vohid SHodiev: "Hozirgi sport formam terma jamoaga tortmaydi"

"O'yin yaxshi o'tdi. Birinchi taymda urib olingan gollarimiz bizga qo'l keldi. "SHo'rtan" yaxshi qarshilik ko'rsatdi. G'alaba qozonganimizdan xursandmiz. Jarohat tufayli ikki oyni maydondan tashqarida o'tkazishga majbur bo'ldim. Oyog'imni operaciya qildirdim. Endi asta-sekin o'z sport formamni tiklab bormoqdaman. Ikkinchi davrada o'zimning optimal sport formamga qaytaman deb o'ylayman. Hozirgi sport formam terma jamoa darajasiga tortmaydi. Davralar oralig'idagi yig'inlar orqali yana avvalgi darajamga qaytishim kerak. Turnir jadvalidagi holatimiz? "Bunyodkor" doimo o'z oldiga yuqori maqsadlarni qo'yadi. Birinchi davradan keyin turnir jadvalida o'zimizga xos bo'lmagan o'rindamiz. Lekin bu narsa bizning maqsad va rejalarimizni o'zgartira olmaydi. "Bunyodkor" chempionlikka erishishga harakat qiladi. Oldinda "So'g'diyona" bilan bo'ladigan kubok bellashuvi kutib turibdi. Bu jamoa ham o'z uyida ancha yaxshi o'ynaydi. Biz bu uchrashuvda ham g'alaba qozonishga harakat qilamiz. Hozir tatil haqida emas, ushbu bahs haqida bosh qotiryapmiz va shunga tayyorgarlik ko'ryapmiz", - deydi Vohid SHodiev.


SHahboz Beg'amov suhbatlashdi.