"Vodiy futboli". "Navbahor"da durang, "Andijon"da mag'lubiyat

"Andijon": Jamoamiz "Lokomotiv" oldida ojiz qoldi

Kecha oliy liganing 8-turida Toshkentda "Lokomotiv" klubi mehmoni bo'lgan "burgutlar" 0:2 hisobida yutqazib qo'yishdi.

Edgar Gess boshchiligidagi jamoa 5 ochko bilan musobaqa jadvalining 15-pog'onasida bormoqda. "Andijon" keyingi o'yinni 16 may kuni o'z maydonida vodiyning yana bir klubi Namanganing "Navbahor" klubiga qarshi o'tkazadi.



"Neftchi": Aybek Nurboev: Xalqimizni bayram bilan tabriklayman

"Dinamo" ustidan qozonilgan g'alabadan so'ng "Neftchi" himoyachisi Aybek Nurboev o'z fikrlarini bildirdi.

"Anchadan buyon maydonga tushmayotgandim. Bugun tushib gol urishga erishdim. Muxlislarni bayram bilan tabriklayman. Ushbu g'alaba ularga bag'ishlanadi.



"Navbahor": Ettinchi golni ettinchi futbolchi urdi

Oliy liganing 8-turida "Navbahor" klubi Namanganda "Nasaf" bilan 1:1 hisobida durang o'ynadi.

Kechagi gol mavsumdagi ettinchi gol bo'ldi. Qizig'i "lochinlar" safida ushbu gollarni turli 7 nafar futbolchi urdi. Bunga qadar Azim Ahmedov, Dilshod Jabborov, Otabek Valijonov, Sanat SHixov, SHaxboz Erkinov va Ulug'bek Baqoev o'z hisoblariga gol yozib qo'yishgandi. "Nasaf" bilan bahsda Mo'ydin Mamazulumov to'p kiritdi.



"Qo'qon-1912": Doniyor Usmonov ertadan jamoaga qo'shiladi

"Qizilqum" bilan o'yinda jamoaga yordam bera olmagan iqtidorli hujumchi jaroxatini davolatish bilan band.

Usmonovning o'zi bilan suhbatlashganimizda, shifokorlarning bergan ko'rsatmasiga binoan davolanmoqda. Ertaga "Qo'qon-1912" o'z qarorgohida yig'iladi. Usmonov ham Qo'qonga borib, mashg'ulot o'tkazishini malum qildi. Katta extimol bilan "SHo'rtan"ga qarshi bahsda Doniyor ham o'ynashi mumkin. Bu esa muxlislarni quvontirishi aniq.