"Vodiy futboli". Bugun "Qo'qon-1912" va "Andijon" kubok doirasida o'yin o'tkazishadi

"Neftchi" kecha o'z qarorgohida yig'ildi

Kecha Murod Ismoilov boshchiligidagi "Neftchi" klubi o'z qarorgohida yig'ildi. Jamoa Qirgulidagi bazada mashg'ulot o'tkazmoqda.

Futbolchilar "Olmaliq"qa qarshi o'yindan so'ng 3 kun xordiq olishdi. Endi keyingi uchrashuvga tayyorgarlik boshlandi.

Eslatib o'tamiz, jamoa keyingi bahsni Qo'qonda "Qo'qon-1912" klubiga qarshi o'tkazadi. Uchrashuv 19 iyun kuni bo'lib o'tadi.


"Qo'qon-1912". Bugun "So'g'diyona"ga qarshi o'yin

Bugun O'zbekiston kubogi 1/8 final o'yinlari davom ettiriladi. "Qo'qon-1912" jamoasi 1/8 finalda "So'g'diyona" bilan bellashadi, dastlabki o'yin Zomindagi "Zomin" stadioinida bo'lib o'tadi.

Qo'qonliklar ayni paytda Yangierdan Zomin tomon yo'lga chiqishgan. O'yin 18:00 da boshlanadi.


"Andijon" "Metallurg"ni mehmon qiladi

O'zbekiston kubogi 1/8 finali doirasida "Andijon" klubi o'z maydonida Bekobodning "Metallurg" klubini qabul qiladi.

Edgar Gess boshchiligidagi jamoa o'tgan hafta oliy liga doirasida safarda "So'g'diyona"ni mag'lub etib qaytgan edi. Bugungi uchrashuv soat 18:30da "Sog'lom Avlod" stadionida bo'lib o'tadi.