Vladislav Xan: "Biz uchun mavsum yomon boshlanmadi"

Vladislav Xan:

- Mavsum biz uchun yomon boshlanmadi. Safardagi ishonchli g'alaba bugungi o'yinimizni bayramona o'tkazishimiz uchun etarli edi. CHiroyli futbol ko'rdik: jangovor, hujumkor. Rostini aytsam, bugun biz hisob uchun o'ynadik. O'rtadagi farqni saqlab qolgan holda yakunda bosh sovrinni qo'lga kiritdik. Bekobodda yaxshi jamoa shakllanganiga guvoh bo'ldik. O'ylaymanki, ular chempionatda bundan ham chiroyliroq o'yin ko'rsatishadi.

- Iqtidorli va yosh hujumchi Nilufar Qudratovani almashtirishingizga nima turtki bo'ldi?

- Maydon markazida raqib futbolchilari yaxshi o'ynashdi. To'g'risi tavakkal qilishni hohlamadik. Nilufar esa maydon markazidagi yakka kurashlarda imkoniyatni boy beraverdi. SHu sabab almashtirdik. U hali yosh. Tajribaliroq futbolchilarga imkon berdik.

- “Andijanka” bilan “Metallurg”ni solishtirganda qaysi jamoa sizga ko'proq xavf soladi?

- “Andijanka” o'z ananasi, tarixiga ega bo'lgan jamoa. Kuchsizlangandek ko'rinsa-da, har qanday vaqtda raqibga nisbatan tajovuzkor o'yin namoyish etishi mumkin. Lekin biz ancha yillardan beri doim mag'lub etib kelmoqdamiz. “Metallurg” esa yosh jamoa hisoblanadi. Agar jamoa o'z o'yinlarini bir maromda ushlab turishni uddalasa kelajakda yaxshi jamoa bo'lib shakllanadi.