Vitaliy Levchenko: "G'alaba qozonish uchun gol urish kerak"

"Bunday uchrashuvlarda g'alaba qozonish uchun gol urish kerak. Birinchi bo'limda ikkita ajoyib imkoniyatimiz bor edi. Agar o'sha vaziyatlardan foydalanganimizda, o'yin natijasi allaqachon o'zgarib ketgan bo'lar edi. Ishtiyoq va harakat bo'yicha hech qanday etirozim yo'q, ammo mahoratimiz biroz etmadi g'alaba uchun etarli bo'lmadi. Tablodagi hisob barchasini ko'rsatib turibdi", - dedi Vitaliy Levchenko bugungi bahs yakunlangach.

- "Neftchi" bugun yaxshi o'yin o'tkazdi, ammo muxlislar uchrashuv yakunlanganidan so'ng futbolchilarga etiroz bildirishdi. Futbolchilar ushbu etirozlarga haqlimi?

- Men nima bo'lganini ko'rmadim, to'g'risi. Biz favorit ekanligimiz aniq edi. Yana bir bor takrorlayman, g'alaba qozonish uchun gol urish kerak. Muxlislarimiz bilan ro'y bergan vaziyatni ko'rib chiqamiz. Ular bilan gaplashib olamiz, muxlislarimizda qandaydir etiroz bo'lsa.

- "Neftchi" o'yinni asosiy hujumchi bilan boshlamadi. Keyinchalik yaqqol hujumchi maydonga tushirildi, agar shu ishga o'yin boshidayoq qo'l urganingizda, hisob boshqacha bo'lishi mumkin edimi?

- Siz nega bunday fikrlayapsiz? Marushich sof hujumchi emasmi?

- Tabatadze o'z vaziyatlarini oxirigacha etkaza oldi. Menga shunday ko'rindi. Birinchi bo'limda esa bunday holatlarni ko'rmadim. Tabatadze yorqinroq o'ynadi.

- Qarang, "Surxon" himoyachilari ikki taym o'ynashdi. Tabatadze esa 20 daqiqa maydonda harakatlandi. Tabiiyki, Toma jismoniy jihatdan ustunlikga ega edi. Himoyachilar bilan yaxshiroq kurashishi kerakligi aniq edi. Shu sababli, u o'yinga yaxshiroq kirishib ketgandek tuyulgandir. Hujumchining eng asosiy vazifasi - gol urish. Bugun esa Marushich va Tabatadze raqib darvozasini ishg'ol eta olishmadi.

- Shahboz Beg'amov "Neftchi"ni tark etdi. Ushbu holat haqidagi fikringiz bilan bo'lishsangiz. Bunga nima sabab bo'ldi? 

- Rahbariyat qarori.