Vitaliy Denisov: Barchasi iziga tushib ketishiga umid qilaman

– Biz maqsadga erishmadik, unga yaqin ham kelganimiz yo'q. Mavsum boshidagi omadsiz ishtirokimizga nima sabab ekanini bilmayman. Qaerdadir rostdan ham yomon o'ynadik. Balki, chempionat boshidagi hayajon tasiridir. Biroq biz juda ham yomon o'ynayapmiz deya olmayman. Umid qilamanki, yaqinda barchasi yaxshi bo'ladi.

- Bussufa ketganidan so'ng jamoada kim yaratuvchi?

– Buss bizning superyaratuvchimiz edi deya olmayman. Hozir Miranchuk, Fernandesh va Sergey Tkachev bor. Mana shu futbolchilar uni o'rnini bosishmoqda.

- Keyingi o'yin Zenitga qarshi. Hozir bu eng qiyin raqibmi?

– Nimaga? Top-klublarga qarshi o'ynash premer-ligaga endi chiqqanlarga qarshi o'ynashdan osonroq. Zenit o'zi ham o'ynaydi, raqibga ham o'ynashga imkon beradi.

- Premer-ligada eng noqulay raqibingiz Xalkmi?

– Uning kuchli sifatlari bor: Xalk tezkor, yaxshi driblingga ega. Ammo oxirgi marta meni o'rnimda o'ynagan Renat Yanbaev uni ajoyib tarzda "yopib qo'ygandi". Xalk juda asabiylashgandi. Hech nima o'xshamasa futbolchi ko'p marta hakamga etiroz bildiradi, – deydi Denisov.