Vidal “Barselona”dan ketishni xohlayapti, biroq klub bunga qarshi

CHililik yarim himoyachi Arturo Vidal qishki transferlar vaqtida boshqa klubga o'tishni xohlamoqda. “Inter” Vidalning transferi yuzasidan ikki kun davomida “Barselona” bilan bog'langan. Biroq Kataloniya klubi futbolchini yanvarda qo'yib yuborish niyatida emasligini malum qildi. Arturoning o'zi esa kam o'yin amaliyoti sabab boshqa klubga tezroq o'tishni istamoqda.

Eslatib o'tamiz, Vidal 2011-2015 yillar oralig'ida “Inter”ning hozirgi ustozi Antonio Konte qo'l ostida “Yuventus” safida harakat qilgan.

Vidal joriy mavsum “Barselona” safida La Liganing 12 ta o'yinida qatnashib, 4 ta gol urdi.