“Vest Xem” MYUning 2 futbolchisi bilan shartnoma imzolash ehtimoli bor

Manbaga ko'ra, “Manchester Yunayted” himoyachisi Fil Jons va yarim himoyachi Jessi Lingard mavsum yakunlangach “Vest Xem”ga o'tadi.

“Qizil iblislar” bilan bevosita tanish bo'lgan londonliklar ustozi Devid Moyes mazkur o'yinchilarni hozirgi jamoasiga jalb etish variantini ko'rib chiqmoqda.

Lingard “qizil iblislar” tarbiyalanuvchisi hisoblanadi va 2011 yildan mankunianliklar sharafini himoya qilib kelmoqda.

Jons ham 2011 yildan beri ushbu klubda faoliyat olib bormoqda, bungacha esa “Blekbern Rovers”da o'ynagan. 28 yoshli futbolchi joriy mavsum APLda atigi 2 ta bahsda maydonga tushgan.