Vesko Steshevich: "Bunyodkor" bitta vaziyatidan gol urib ketdi"

O'yindan keyin matbuot anjumani bo'lib o'tdi va unda mehmonlar ustozi Vesko Steshevich fikrlari bilan o'rtoqlashdi. 

"Bunyodkor"ni g'alaba bilan tabriylayman. Futbol shunday o'yinki, uni 90 daqiqa o'ynaladi. O'ylashimcha, biz raqibdan yaxshiroq harakat qildik. Biroq bitta epizodni deb gol o'tkazib yubordik va ochko yo'qotdik. Juda alam qiladi. Kurashni davom ettirdik va oxirgi daqiqagacha hisobni tenglashtirishga harakat qildik. Biroq buni uddalay olmadik.

Bugungi o'yinga kelsak, biz yomon o'ynamadik deb o'ylayman. O'tgan turda Termizga qarshi bellashuvda ham shogirdlarim yomon o'yin ko'rsatmagandi. Agarda siz ko'rgan bo'lsangiz, "Bunyodkor"da ham, "Surxon"da ham bittadan vaziyat bo'ldi va ular gol urib ketdi. 

Afsuski, biz o'z vaziyatlarimizni golga aylantira olmayapmiz. Bugun Zabixillo O'rinboevning yo'qligi sezildi. SHuningdek, G'ofurbekov ham yo'q edi. U sog'lig'i bilan muammo tufayli o'yin oxiridagina zaxiradan maydonga tushdi. 

Hisob raqib foydasiga, lekin o'yin borasida biz raqibdan qolishmadik. Jamoaning o'yinida pasayish bor degan fikrga qo'shilmayman", - dedi Vesko Steshevich.