So’nggi yangiliklar

16:59Муҳаммадали Ўринбоев: "Франция Европанинг топ жамоаси, саралашга тайёр ҳолатда борамиз"  0 16:45Равшан Ҳайдаров: "Ҳеч кимдан қўрқмаймиз, лекин ҳар бир рақибга ҳурмат билан ёндашамиз"  1 16:24"Арсенал" 80 млн. евролик трансфер бўйича музокара ўтказмоқда  2 16:05Мажид Ҳасан: "Узоқ вақтдан бери мағлубиятга учрамай келаётган Ўзбекистонга қарши икки баравар куч билан майдонга тушишимиз лозим"  5 15:40Али Хасиф: "Ўзбекистон енгиб бўлмас тўсиқ эмас"  12 15:24Аллегри "Милан"га қайтди  0 15:12"Реал" янги футболчисини эълон қилди  13 15:03БАА терма жамоаси Ўзбекистон билан ўйинга тайёрланмоқда  10 14:44Эшитдик-да! "Нефтчи" раҳбариятида истеъфо  14 14:44"Дутор" ва "Котта Болла"дан ғалабалар — Like Cup мусобақасидан ФОТОГАЛЕРЕЯ  1 13:51Доннарумма вакили ПСЖ ҳақида: "Агар янги шартнома имзоламасак, бошқа вариантларни кўриб чиқамиз – ҳеч нарсани истисно қилмаймиз. Жанлуижи Парижда хурсанд".  0 13:12Россияга қарши баҳс учун Ўзбекистон ёшлар терма жамоасига чақирилган футболчилар рўйхати эълон қилинди  7 12:43Ўзбекистон - Қатар учрашуви учун чипталар офлайн сотилади  23 12:09Ла Лига мавсумида ВАРнинг энг кўп қарорлари "Реал"га қарши қабул қилинган – 16 та, "Барса"га қарши – 7 та  30 11:37ФИФА Анчелоттининг Бразилия терма жамоасига тайинланиши бўйича тергов бошлади  2

Vadim Abramov: "Salbiy o'yin ko'rsatgan bo'lsak-da, natija ijobiy bo'ldi. Menga shunisi yaxshiroq" Yangiliklar

Vadim Abramov: "Salbiy o'yin ko'rsatgan bo'lsak-da, natija ijobiy bo'ldi. Menga shunisi yaxshiroq"

Superliganing 9-turida "Surxon"ga qarshi o'yindan keyin "Dinamo" bosh murabbiyi Vadim Abramov matbuot anjumanida qatnashdi.

O'yin haqida

- Bahs qiyin o'tishi kutilgandi. Chunki ushbu raqib bilan deyarli bir tur oldin kubokda o'ynagandik. Qisqa vaqt ichida bir raqibni ikki marta mag'lub qilish oson emas. Raqiblar bizning, biz esa raqiblarning qanday o'ynashini yaxshi bilardik. Biroq ular ko'p narsalarni o'zgartirishdi, adashmasam tarkibdagi 8 futbolchini almashtirishdi. Birinchi bo'limda gol urib oldik. Ikkinchi bo'limda o'yinni ertaroq yakunlab qo'yishimiz mumkin edi. O'zimiz vaziyatlarni ura olmaganimizdan keyin validolli o'yin bo'ldi. Himoyada ko'p o'ynadik. Futbolchilarga rahmat aytish kerak, bugungi bayram kunida ular muxlislarni xafa qilib qo'yishmadi. 

- Bugun juma kunida Fraydey gol urdi. Bu uning debyut goli edi.

- Uning ochilib ketishini kutayotgandik. Uning potencialini yaxshi bilamiz. U hali o'yiniga qo'sha oladi. Istalgan futbolchiga moslashib olish uchun vaqt kerak. Bu gol unga ishonch bahsh etib, o'yiniga yaxshi jihatlarni qo'shishiga umid qilyapman.

- Stadion atmosferasi haqida nima deysiz?

- Ajoyib atmosfera. Odamlar futbolga kelayotganidan xursandmiz. Muxlislar kelib, jamoalarni qo'llab-quvvatlashidan barcha mamnun bo'ladi. Samarqandlik muxlislarga rahmat aytib qolaman. Ularni xursand qilishda davom etamiz.

- Bugun Mirjahon Mirahmadov qator golli vaziyatlardan foydalana olmadi. Qolaversa, Ravshanbek Yagudin ham golga sabab bo'lishi mumkin edi. Ularning harakatiga baho bersangiz.

- Futbol shunday narsaki, barchada ham ishlar doimo o'xshayvermaydi. 9-raqamli futbolchimizning vaziyati ham shunday. U shu vaziyatdan gol ura olmaganidan keyin ruhan sinib qoldi, shu sababli uni almashtirdim. U o'yin davomida katta hajmdagi ishlarni bajaradi, bosim amalga oshiradi, uning o'yinlaridan mamnunmiz. 6-raqamli futbolchimizni esa to'g'ri payqabsiz, u sariq kartochka olgandi, shu sababli almashtirdik. Darvozabon poziciyasi shunday joyki, uning birgina xatosi ajralib qolishi mumkin. Boshqa futbolchilarning xatolari unutilib ketishi mumkin, darvozabonlarning ishi esa shunday. U ko'p narsalarni bo'yniga oladi. Shuningdek, u o'tgan turda maydonga tushmadi. Bugun ham u jarohati bilan o'ynadi.

- Mirjahon Mirahmadovning o'rniga himoyaga moslashgan O'rmonjonovni maydonga tushirdingiz. "Dinamo" ikkinchi bo'limda natijani saqlab qolishga o'ynadimi yoki bizga shunday tuyuldimi?

- Yo'q, barchasi o'yindan kelib chiqildi. Ikki futbolchini tushirish orqali o'yinin kuchaytirmoqchi edik. Biz yoshlarni tushirish orqali hujumga tezlik berishni istagandik. Yoshlar doimo tezkor bo'lishadi, yodingizda bo'lsa o'tgan o'yinda yosh futbolchi gol urgandi. Ular maydonga tushgan paytda markazda parokandalik boshlanayotgandi. Ko'p narsa shunga bog'liq. Futbol shunday, 1:0 hisobida yutar ekansan, hisobni ushlash uchun o'ynashga to'g'ri keladi. Qarshi hujumga o'tib ketib, ishni ertaroq yakunlashimiz ham mumkin bo'lgandi. Salbiy o'yin ko'rsatgan bo'lsak-da, natija ijobiy bo'ldi. Menga shunisi yaxshiroq. Bosim doimo bor, lekin asosiysi natija.

- Uchrashuvning 20-daqiqasigacha "Surxon" yaxshiroq harakat qildi. Goldan keyingi vaqtda esa "Dinamo" raqibiga imkon bermaslikni boshladi. Sershovqin muxlislarga to'la tribuna ostida ko'rsatmalaringizni futbolchilar eshitishdimi yoki futbolchilarning o'zi barchasini bilgan holda o'yinni o'zgartirishdimi?

- Bunisiga ahamiyat bermabman. Barchasini biz o'yindan oldin hal qilib qo'ygandik. "Surxon"ning qanday o'ynashini bilardik, taxmin qildik. Ular erlatib uzatmalarda yaxshi, markaziy hujumchi raqib himoyachisi oldida to'pni qabul qilganida qanot futbolchisi tezlikni oshiradi. Barchasini bilgan holda biz ilk daqiqalardanoq ularga o'yinni his qilmasligini istagandik. Bunday holatda yoki pressing amalga oshirish kerak yoki bu o'xshamasa himoyada bo'lib, ular tashkil qilmoqchi bo'lgan o'yinini buzib, raqibga muammolar yaratish va keyin qarshi hujumga qochish. 20-daqiqadan keyin tashabbus bizning tomonga o'tdi va biz gol urdik. Futbolda futbolchi qulay vaziyatdan gol ura olmasa, o'sha vaziyat o'z so'zini aytadi. Jamoaviy ishda shunday, bitta vaziyatni ura olmadik, ikkinchisini ura olmadik, keyin tashabbus "Surxon" tomoniga o'tib ketdi. Istalgan jamoada o'yinning istalgan davrida pasayish davri bo'ladi. "Surxon"da aynan shu pasayish davrida biz gol urib oldik. Keyin esa o'yinni biz nazorat qildik va qarshi hujumlarda o'ynadik. Bunday holatlar osonroq, chunki ochiq hududlar paydo bo'ladi, undan bizning tezkor futbolchilar foydalanishi mumkin edi. Biroq bugun unday bo'lmadi.

- "Dinamo"ning navbatdagi o'yini kubokda "Andijon"ga qarshi. Tarkibda tajribalar o'tkazib ko'rish niyatingiz bormi?

- Biz hali kubok masalasini hal qilmadik. 13 may kuni biz "Andijon" maydonida o'ynaymiz va u erdan qaytib kelib, 17 mayda "Buxoro"da maydonga tushamiz. Bu erda tarkibda o'zgarishlar bo'ladi. Kim kam o'ynayotgan bo'lsa, o'sha maydonga tushishi ham mumkin. 

- Yoshlar tarkibidagi futbolchilar o'ynashi mumkinmi?

- Zaxirada o'tirib qolayotgan boshqa futbolchilar ham bor. Ular chempionatda ko'p ham yuklama olishmayapti. Ularni sinab ko'rish va nimalarga qodirligini bilish kerak. Afsuski bizda Superliganing o'yinidan keyingi kuni yoshlar jamoalari o'ynashadi. Biz yoshlarni ko'ra olmaymiz. Masalan Siz biror spektaklning avval premerasini qo'yib, keyin repiticiya qilmaysiz-ku, to'g'rimi? Shu sababli men yoshlar tarkibi futbolchilari bilan o'yinga bora olmayman. Oldinlari yoshlarning o'yinlariga borib, tomosha qilardim. Mana ikkinchi yildir-ki, buning iloji bo'lmayapti.

- ECHL haqida savol bermoqchiman. Siz adashmasam "Barselona" muxlisi edingiz. Finalda "Inter" va PSJning o'ynashi adolatlimi?

- Futbolda doim ham kuchlilar yutavermaydi. Lekin "Barselona" kabi jamoa uchun 7ta gol o'tkazib yuborish juda ko'p. "Barselona" avantyur futbol namoyish qiladi, shu sababli raqiblarning ham omadi kelib qoladi. Shuningdek, bu erda VAR ham bor. Oldinlari VAR bo'lmagan paytda "Barselona" shunday taktikada o'ynaganda bu o'zini oqlagan bo'lardi. Agarda VAR bo'lmaganida hakam o'z qarorlarini o'zgartirmagan bo'lardi. VAR bo'lgani uchun istalgan futbolchi oxirigacha o'ynamoqda. Hatto 4 himoyachi 1 hujumchiga qarshi bo'lgan taqdirda ham 60 metrga yugurish kerak bo'lsa, yugurish kerak. Keyin esa ofsayd borligi aniq bo'ladi. Yugurish uchun esa qancha vaqt sarflandi. "Barselona"da hozir yosh futbolchilar ko'p, ular juda katta yuklamali ishlar qilishmoqda. Bu juda qiyin, "Inter" esa bundan foydalanib ketdi.

- Ayni damda "Dinamo" 3-o'rinda bormoqda. Jamoaning endigi maqsadi qanday bo'ladi?

- Menimcha mavsum startidan oldin barcha jamoalar o'z oldiga bitta maqsad qo'yadi: chempionatni yutish. Qolgani esa ishlarning rivojiga qarab o'zgarib boradi. Bizda vazifalar o'zgarmagan. Kimdir yo'l-yo'lakay omadsizlikka uchrasa vazifasini o'zgartiradi. Bizda esa o'zgarish yo'q - maydonga chiqish va bor imkoniyatni ishga solib, g'alaba qozonish. 

Reyting: +2   

Fikrlar

+3   
10 may 07:27:09
BXZ BXZ
Динамо Про-лигага тушиб кетганда хам Абрамов жамоада колиб кайтиб Супер-лигага олиб чикди ва яхши жанговор жамоа ташкил килди энди эса чемпионликни максад килвотти факат койил колиш керак . Динамо Абрамов билан ку́п нарсага эришса ажабланмайман . Омад Динамоага Пахтакор мухлиси .
+2   
10 may 09:54:27
Адхамжон Низамов
Уйин сотимади,тоза уйин булди.Олга,водий ва воха футболи.
+2   
10 may 05:34:14
ABDUSALOM ZHURAEV
Жумавойнинг ягона голи Динамога 3 очко келтирди.
+2   
10 may 00:56:27
Odil Rofeyev
Фрайдейни хужум марказида синаб куриш керак. Мирахмадов билан узокга бормаймиз
+1   
10 may 10:19:59
Жалоладдин Мухаммадович✈
Odil Rofeyev foydalanuvchining fikriga javob berish
Фрайдейни хужум марказида синаб куриш керак. Мирахмадов билан узокга бормаймиз
Ундан кўра Вадим акага ёрдамчи мураббий бўлинг маслахат бериб турасиз
+1   
10 may 07:23:29
Djabborov Hakim
Abramov buyuk murabbiy MTJ da bilan ikkinchi bosqichdaqa antirekord qayt etgan murabbiy.
+1   
10 may 00:56:08
Odil Rofeyev
Фрайдейни хужум марказида синаб куриш керак. Мирахмадов билан узокга бормаймиз
+1   
10 may 00:55:44
Odil Rofeyev
Фрайдейни хужум марказида синаб куриш керак. Мирахмадов билан узокга бормаймиз
   
10 may 14:26:29
Choriyev
Бу қари тулки ҳакамлар билан келишишга устаси қаранг, Сурхонни голни неча пулга отмен бўлди?
   
10 may 12:18:05
Abdusalom Mirzayev
Ички хотиржамлик, ҳаммаси назорат остида.
   
10 may 11:22:22
Fayzulla Halilov
Амирхон Амирхон foydalanuvchining fikriga javob berish
Судья ни сотволиб ютдингу
Golni nega inobatga olmadi Surxonni golini
   
10 may 11:08:42
Fayzulla Halilov
Xayrli kun xammaga Surxonni goli nega inobatga olinmadi
   
10 may 11:06:10
Y@Go_6060
Газни бос Абрамов
   
10 may 00:48:08
mirabzal
Вадим айёр тулки
-2   
10 may 07:00:31
Амирхон Амирхон
Судья ни сотволиб ютдингу
championat.asia
< so’nggi yangiliklarni ko’rish
Яндекс.Метрика