Vadim Abramov: "Nasaf" bugun bizdan ko'ra kuchliroq o'ynadi va haqli g'alabaga erishdi"

"Avvalo "Nasaf"ni g'alaba bilan tabriklayman. Bugun ikkita teng kuchli jamoalar maydonda kurashishdi. Keraksiz joyda gol o'tkazib yubordik va bu bizga qimmatga tushdi. Bugungi o'yinda mag'lubiyatga uchraganimizning asosiy sababi bu - "Nasaf" bizdan kuchli o'ynadi va "Lokomotiv"ga hech qanday imkoniyat qoldirmadi. Ular haqli g'alabani tantana qilishdi. Biz o'z maqsadimiz sari dadil qadam tashlasha davom etishimiz kerak. Bu yilgi chempionatda oldimizga chempion bo'lish vazifasi qo'yilgan", - deya gap boshladi Vadim Abramov.

- Vaziyatlardan foydalanishda yaxshigina muammolar tug'ilmoqda. Bu borada nima deya olasiz?
- Futbolchilar juda shoshib harakat qilishmoqda. Vaziyatlardan foydalanish muammosini bartaraf etish kerak.  Gol o'tkazib yuborganimizdan so'ng jamoa juda shoshib qolmoqda. Bu borada ish olib borishda davom etamiz.

- Damir Koyashevich maydonga tushsa asosan gollar uradi va jamoa foydasi uchun juda ko'p harakat qiladi. Lekin negadir u zaxirada qolib ketmoqda?
- Mana bugun ham u o'yinga 30 daqiqa qolganida maydonga tushdi va jamoa to'p yo'qotgan paytlarda orqaga qaytmaydi. Uning asosiy kamchiligi shunda.