Vadim Abramov: "Geynrix muxlislarga yoqadigan o'yin ko'rsata oladi"

"Jamoamizga kelgan yangi futbolchilar tezda moslashib ketishdi. Bunga Avstriyadagi yig'in yordam berdi. Qolaversa bu futbolchilar mening uslubimni yaxshi bilishadi", - deydi Abramov.

- Jamoada sardor o'zgardimi yoki Karpenko maydonga tushmagani uchun To'xtaxo'jaev bu vazifani bajardimi?
- Ha Islom bizning vice-sardorimiz. Karpenko tushsa Viktor sardor bo'ladi.

- Siz Davlat Turdaliev bilan yaxshi tanish edingiz. U haqda qisqacha fikrlaringiz bormi?
- U bilan 2007 yil Avstriyadagi yig'in vaqtida tanishgandim. Turdalievda bir kishida kamdan-kam bo'lgan ikki jihat mujassam edi: Insoniylik va mutaxassislik. Afsuski u endi oramizda yo'q.

- Jamoada bironta legioner qolmadi...
- Sababi o'zimizning yigitlar ulardan kuchli. Avval ham shuni aytganman.

- SHog'ulomvni bugun o'yinga tayyor ekanligi uchun maydonga tushurdingizmi yoki raqib kuchini inobatga olibmi?
- Uning imkoniyatlarini yaxshi bilardim, raqibdan kelib chiqib shunday tarkibni tanladim. Uni kelajak uchun xarid qildik desak ham bo'ladi.

- Geynrixning o'yini chiqaversa chempionlik qo'lga kiritiladimi?
- Geynrixsiz ham ancha ochko to'plab qo'ydik. Sasha muxlislar uchun o'ynashni biladi. SHou qilishga usta futbolchi. Bu esa muxlislarga yoqadi.

- 10 avgustga qadar transfer oynasi ochiq. Yana o'zgarishlar bo'ladimi?
- Hozir aniq gap ayta olmayman. Jamoadagi futbolchilar o'yin amaliyotisiz qolib ketmasligini istayman.