Vadim Abramov: "Bunday maydonda "Barselona" ham futbol o'ynay olmaydi"

"Bunday maydonda futbol o'ynash juda qiyin. SHu bois yigitlarga rahmat aytaman. Xalq futbol ko'rish uchun keldi, lekin bunday maydonda oliy liga o'yinlarini o'tkazib bo'lmaydi. O'yin borasida aytsam, asosiysi uch ochko oldik", - deb gap boshladi Abramov.

- Bugun Nemanya Yanichich maydonga tushmadi. Bunga sabab nima?
- U mashg'ulotlar vaqtida jarohat oldi. Barmog'i qayrilib ketdi. Nemanya taxminan 1 hafta maydonga tusha olmasa kerak.

- OCHLdagi o'yindan oldingi bahs edi...
- Ha oldimizda "Al Sadd"ga qarshi bahs bor. SHu bois bunday maydonda ikki karra kuch bilan o'ynadik. Terma jamoadan futbolchilar yaqinda kelishdi. Yana bunday sifatsiz maydonda o'ynash juda qiyin.

- Bikmaev bugun raqib himoyachisiga qarshi atayin qo'pol o'ynagandek tuyulmadimi?
- Marat Bikmaev unday o'yinchi emas. SHunchaki o'sha vaziyatlarda keskin o'yin ko'rsatdi.

- O'yin sifati borasida nima deya olasiz?
- Aytayapmanku bunday maydonda chiroyli o'yin ko'rsatib bo'lmaydi. Xatto "Barselona" ham bu erda o'z o'yinini namoyish eta olmaydi. Bunga qadar yaxshi maydonlarda o'ynadik. Imkon qadar chiroyli o'ynashga uringandik.

"Lokomotiv" matbuot xizmati yordamida tayyorlandi