So’nggi yangiliklar

18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

Ulug'bek Bakaev: "Selekciya ishlari boshlab yuborilgan. Tarkibdagi bir qancha futbolchilarning ketishi aniq" Yangiliklar

Ulug'bek Bakaev: "Selekciya ishlari boshlab yuborilgan. Tarkibdagi bir qancha futbolchilarning ketishi aniq"

Coca Cola Superligasi 11-turi doirasida "So'g'diyona"dan uchralgan mag'lubiyatdan keyin "Buxoro" ustozi Ulug'bek Bakaev o'z fikrlarini bildirib o'tdi.


- Birinchi bo'limda ham ikkinchisida ham zo'r o'ynadik. Yaxshi vaziyatlar yaratdik. Gol urish uchun barcha ishni qildik, gol urdik ham. Nima sababdan golni hisoblamaganini tushunmadim, hakamlar o'zaro suhbatlashib, offsayd qarorini chiqarishdi. Tushunarsiz holat. Ular offsaydni qay tariqa aniqlashganini bilmadim. Goldan keyin bir qancha o'zgarishlar qildik va bu o'ylashimcha, muvaffaqiyatsiz bo'ldi. O'yinga qaytadan kirayotganimizda ikkinchi golni o'tkazib yubordik. Futbolda kim gol ursa, o'sha yutadi. Demak, futbolchilarimning bugungi darajasi shunday. Demak, yil boshida selekciya ishlarini amalga oshirgan insonga yuzlanish kerak. Ayrim futbolchilar esa umuman jamoa darajasida emas. Bazilar esa harakat qilishmoqda. Bugungi kunda holatimiz shunday. O'z navbatida klubdagi holat ham yaxshi emas. Yigitlarga o'yin uchun rahmat aytaman. Navbatdagi o'yinlarga tayyorlanamiz. 

- Jamoaga kelganingizdan buyon besh himoyachilik taktikada jamoani o'ynatyapsiz. Bu qanalik foyda bermoqda. Balki etiborni hujum va markaziy yarim himoyaga berish kerakdir...

- Biz qo'l ostimizdagi futbolchilarning darajasidan kelib chiqyapmiz. Yani, tarkibdagi futbolchilarning imkoniyati, qo'lidan keladigan ishlariga qarayapmiz. Bugun ushbu futbolchilar bilan shunday o'yin ko'rsatish mumkin va biz qandaydir darajada mehnatimiz mevasini ko'ryapmiz. O'tgan o'yinda ham biz mag'lub bo'lmasligimiz kerak edi. SHuningdek, bugun ham. Futbol shunaqa. Jamoaning qanday taktikada o'ynashi futbolchilarning mahorati, ustamonligiga bog'liq. Bugungi kunda "Buxoro" futbolchilarining darajasi shunday taktikada o'ynash uchun etarli. Bunda ham o'sib, rivojlansa bo'ladi. Barchasi natija ko'rsatish uchun. Natija - ochko beradi. Natija - muxlislarga xursandchilik taqdim qiladi va hokazo. SHu sababli holat shunday. Muxlislar nuqtai nazaridan olib qarasak, ular bizni, futbolchilarni qo'llab-quvvatlashi yoqimliroq bo'lardi. Bunday gaplarni eshitish unchalik yaxshi emas. 

- "Buxoro"ning hisobga olinmagan goli jamoaga qanchalik tasir qiladi deb o'ylaysiz?

- Ruxiy tomondan bu albatta, tasir qiladi. Agarda gol inobatga olinganida o'yin darajasi boshqacha bo'lib ketardi. Futbolchilarning ruxiyati ko'tarilardi. SHuningdek, xavfliroq o'yin namoyish qilardik. Uning tasiri katta bo'ladi. Balki, bugun yutqazmasdik. Ammo barchasi bunga bog'liq emasdi. To'g'risi, bunga baho berish juda qiyin. CHunki biz hakam emasmiz. Hakamlar qo'mitasi bor, nazorat qilishadi. Gol hisoblanmadimi, demak, sababi bor. Agarda gol hisoblanganida, balki, 2:0, 3:0 hisobida g'alaba qozongan bo'larmidik...

- O'tgan intervyularingizda tarkibga olib kelinadigan futbolchilar ro'yxatini tuzib olishga vaqt bor degandingiz. Hali ham shu fikrdamisiz yoki transferlar uchun ishlar boshlab yuborilganmi?

- Selekciya ishlari boshlab yuborilgan. Buni yashirib o'tirmayman. Tarkibdagi ayrim futbolchilarning ketishi aniq bo'lgan. CHunki bu tarkibni men yig'maganman. Direktor, sport direktori bu borada ishlayapti. Bu bizning ishimiz emas. Holatimiz og'ir, transferlar orqali vaziyatdan chiqib keta olishimiz mumkin. Barchasi yaxshi bo'ladi.

- Jamoaning o'ng qanot himoyasida muammolar paydo bo'la boshladi. Mavsum boshida o'ng qanotda Ixtiyor Toshpo'latov harakat qilayotgandi. Siz kelganingizdan keyin u o'yinlarga tushmay qo'ydi. Balki uni sinab ko'rish kerakdir.

- Agarda yodingizda bo'lsa, u "Bunyodkor"ga qarshi o'ynagandi. Kim o'yinga tushishga loyiq bo'lsa, o'sha maydonga tushadi. Futbolchining ruxiy, jismoniy holati yaxshi bo'lganlar o'ynaydi. Loyiq bo'lmaganlar esa yo'q. Bu oddiy arifmetika. 

- Muxlislarga aytadigan so'zlaringiz bormi?

- Sabr qilishingizni, futbolchilarni, jamoani qo'llab turishingizni istayman va biz Sizlarga hali xursandchiliklar taqdim qilamiz. 

Reyting: -2   

Fikrlar

championat.asia
< so’nggi yangiliklarni ko’rish
Яндекс.Метрика