U-22 terma jamoamiz guruhdan chiqa oladimi? (So'rovnoma natijalari)

Saudiya Arabistoniga qarshi soat 21:00da boshlanadigan bahs biz uchun nihoyatda muhim. Iroq bilan kechgan bellashuvdan so'ng saytimizda “U-22 terma jamoamiz guruhdan chiqa oladimi?” degan so'rovnoma qo'ygandik. Bugungi o'yinga sanoqli soatlar qolgan bir paytda so'rovnoma natijalarini elon qilamiz.

Bir kunlik so'rovnomada jami 152 kishi ishtirok etibdi. “Ha” degan javobni 100 kishini tanlagan bo'lsa, 42 kishi “Yo'q” degan javobni maqul ko'rgan, shuningdek 10 kishi “Bilmadim” degan variantda to'xtalibdi. 

Aslini aytganda, bugun bizni har qanday hisobdagi durang ham qoniqtiradi, mabodo g'alaba qozongudek bo'lsak bundan yaxshisi yo'q albatta. Muxlislar terma jamoamizning guruhdan chiqishiga ishonishmoqda, shu bois eng ko'p ovozni “Ha” degan javob yig'di. Albatta, Saudiya Arabistoni jamoasi o'ziga yarasha jiddiy raqib, ammo astoydil harakat qilsak, ularni mag'lub etsa bo'ladi. Faqat yigitlar durangni o'ylab harakat qilishmasa bo'lgani.