Tursunov: Vorskla bilan evrokuboklarda o'ynamoqchiman

- Sanjar, klubga hush kelibsiz. Yangi klubdoshlaringiz qanday qarshi olishdi?
- Rahmat. Bu jamoaga kelganimdan mamnunman. Meni qoniqtirmagan hech qanday holat yo'q. Ajoyib jamoaga kelganimga aminman. Bu erda anchadan buyon o'ynayotgandekman (kuladi).


- Kim Ukraina variantini taklif qildi?
- Agentim va Poltava klubi aloqa o'rnatishdi. O'zim ham Vorskla bilan yig'inga borishga tayyor edim. Qaytaraman – bu er menga yoqmoqda.


- Oldin Ukraina chempionatini kuzatarmidingiz?
- Rossiyada o'ynaganimda Ukraina Premer-ligasini kuzatishga ko'p ham imkon bo'lavermasdi. Asosan internetda xabarlarni o'qirdim. Dneprda o'ynagan yoshlikdagi do'stim Vitalik Denisov haqida bilasizlar. Maks SHackix Ukraina chempionati saviyasi haqida gapirib bergandi. Albatta, Ukraina klublarining evrokuboklardagi bahslarini o'tkazmaslikka intilardim.


- Do'stingiz Denisovning maslahati Vorsklaga o'tishda muhim rol o'ynadimi?
- To'g'ri-to'g'ri. Bu men uchun yaxshigina rol o'ynadi. U Vorskla haqida yaxshi fikrlar bildirdi.


- Jamoadagi ko'pchilik sizining universaligingiz haqida gapirmoqda. Internetdagi videolar orqali ko'rganimizda asosan o'ng qanot yarim himoyasida o'ynagansiz…
- Men uchun chap yoki o'ng farqi yo'q. Alaniyada men chap qanotda o'ynardim, Gazovikda ham shunday. SHunday ekan, Vorsklada ham chap qanot kuchsiz bo'lmaydi deb umid qilaman (kuladi).


- Endi klubga kelgan barcha yangi futbolchilarga beriladigan savol: Vorskla bilan nimalarga erishmoqchisiz?
- Katta niyatlarim bor, chempionatning qolgan o'yinlarida bor kuchimiz bilan o'ynab evrokuboklarga yo'llanma beruvchi o'rinlardan birini egallashga urinamiz. Ko'p gapirishdan ko'ra ko'proq ishlashni maqul ko'raman.

Artem Lobanov, FK Vorskla matbuot xizmati

Narzulla Saydullaev tarjimasi.