"Turon" rossiyalik darvozabon bilan kelishuvga erishdi

Xabaringiz bor, yangi mavsumdan "Turon" O'zbekiston Superligasida ishtirok etadi. Ayni kunlarda Islombek Ismoilov boshchiligidagi klub murabbiylar shtabi tarkibni yanada kuchaytirish, jamoaning har bir chizig'ida sog'lom raqobatni yuzaga keltirish maqsadida bir qator futbolchilarni jalb etish bo'yicha izlanish olib bormoqdalar. Xususan tez kunlarda jamoa qishki o'quv-yig'in mashg'ulotlariga Serbiya va Latviya davlatlaridan bo'lgan futbolchilar kelib qo'shilishi kutilmoqda.

Bundan tashqari, klub mamlakatimizdagi faoliyati bilan ko'pchilik futbol muxlislariga tanish bo'lgan rossiyalik istedodli posbon Evgeniy CHeremisin bilan ham kelishuvga erishgan. SHuningdek, jamoaning qishki o'quv-yig'in mashg'ulotlarida Superliga klublarida o'ynab kelgan bir qator tajribali futbolchilar ham ishtirok etadi. Bu haqda "Turon" futbol klubi matbuot xizmati xabar berdi.

Eslatib o'tamiz, bunga qadar "Turon" tojikistonlik yarim himoyachi Umarjon SHaripov bilan 1 yillik shartnoma tuzgandi. Bundan tashqari yakunlanayotgan mavsumda "Lokomotiv" safida o'ynagan Davron Umirov ham "Turon" bilan kelishuvga erishgandi.