Turning dastlabki beshta o'yinida imkoniyatlar qanday?

Neftchi (Farg'ona) – So'g'diyona (Jizzax)
25 aprel 2015. Farg'ona. “Istiqlol” stadioni. 17:00
Hakamlar: I.Tantashev, B.Qodirov, A.Qo'ldoshev, D.Muxtorov.
Nazoratchi: A.Arutyunov.
Imkoniyatlar: 60:40%



"Lokomotiv" va "Metallurg" to'sig'idan to'rt ochko bilan o'tib olgan farg'onaliklar uchun keyingi ikkita o'yinni uyida bo'lib o'tishi katta ustunlikni beryapti. Bugun jamoa "So'g'diyona"ga qarshi "Istiqlol" stadionida baxs olib boradi. Murod Bobojonovning sog'lig'i tobora yaxshilanib boryapti, qolaversa jamoada g'oliblik ruxi hukmronlik qilyapti. Davron Fayziev jamoasi esa hozircha bor yo'g'i bir ochko olgan holda Farg'onaga tashrif buyurgan. Bugungi o'yinda tashabbus asosan "Neftchi"da bo'lsa ajablanmaymiz. Lekin, lekin yaxshi tekis maydonda "So'g'diyona" qanday o'ynashni biladi.


Qizilqum (Navoiy) – Andijon (Andijon)
25 aprel 2015. Navoiy. “Yoshlar” stadioni. 18:00
Hakamlar: SH.Qosimov, A.Usmonov, S.SHoyusupov, SH.Qayumov.
Nazoratchi: R.Aytekov.
Imkoniyatlar: 55:45%



Edger Gess ketayotgan joyida qaytdi. Jamoadagi moliyaviy holat o'nglangan, klub bor yo'g'i bitta oylik va bitta mukofot puliga qarz xolos. Aftidan "Andijon" jamoasi ichida murabbiy uchun ishlaydigan futbolchi chiqqan va aksar futbolchilar bundan norozilar. Bu esa ichki muhitni buzilishiga olib kelayotgan ekan. "Qizilqum" esa aksincha o'z maydonida har qanday raqibga jiddiy tayyorlanyapti. Faqat taqvimni noqulay kelishi, ketma - ket o'z maydonlarida ikkita mag'lubiyatga sabab bo'ldi. Jamoa avval "Bunyodkor"ga keyin "Paxtakor"ga imkoniyatni boy berdi.


Mashal (Muborak) – Qo'qon-1912 (Qo'qon)
25 aprel 2015. Muborak. Bahrom Vafoev nomidagi stadion. 17:00
Hakamlar: V.Ceytlin, M.Saidqosimov, T.Gaynulin, E.Tursunov
Nazoratchi: B.Galeev.
Imkoniyatlar: 55:45%



Avvalgi prevyuda Zafar To'raev va Zohir Qo'ziboev tandemi joriy yil unum bermayotganligi haqida yozgan edik. Buni qarangki, futbolchilar ham o'qishibdi va gol urishdi. Agar qo'qonliklar "Olmaliq"ga qarshi namoyish etgan o'yinlarini ko'rsata olsalar, "Mashal"ga oson bo'lmaydi. Bu ko'proq Baklanovga ham bog'liq.


Navbahor (Namangan) – Dinamo (Samarqand)  
25 aprel 2015. Namangan. “Markaziy” stadioni. 17:30
Hakamlar: V.Kovalenko, N.Ro'zimov, D.Saylalov, A.SHukurullaev.
Nazoratchi: G'.Karimov.
Imkoniyatlar: 50:50%



O'tgan turda mag'lub bo'lgan jamoalar bu safar g'alabani ko'zlab tushishlari aniq. Namanganda "Navbahor"ga qarshi o'ynash juda qiyin ekanligini barchaga malum. Bundan tashqari "Dinamo" bu mavsumdagi 5ta o'yinda umuman g'alaba qozona olgani yo'q. Baxtiyor Ashurmatov boshchiligidagi jamoaning imkoniyati biroz yuqori ko'rinishi mumkin, lekin maydonda teng kurash bo'lishi aniq.


Buxoro (Buxoro) – Olmaliq (Olmaliq)
25 aprel 2015. Buxoro. “Buxoro” stadioni. 18:00
Hakamlar: X.Ro'ziev, R.Fozilov, M.Madjidov, I.Ibragimov.
Nazoratchi: D.Roman.
Imkoniyatlar: 50:50%



"Buxoro" bu mavsumda hali g'alaba qozona olgani yo'q. O'tgan tur jamoa "Andijon" mehmoni bo'lib mag'lub bo'lgandi. "Olmaliq" esa o'z maydonida "Qo'qon-1912" ustidan irodali g'alabaga erishgandi. Aleksandr Mochinov boshchiligidagi jamoaning bugungi o'yindagi imkoniyatni yuqoriroq baholadik.