Transfermarkt'dagi yangilanishdan so'ng Abduqodir Husanovning transfer narxi ikki barobardan ko'proq oshdi
18 mar 17:06
Yangiliklar


Transfermarkt'dagi yangilanishdan so'ng Abduqodir Husanovning transfer narxi ikki barobardan ko'proq oshdi
"Manchester Siti" va O'zbekiston terma jamoasi himoyachisi Abduqodir Husanovning yangi narxi malum bo'ldi. Endi "Transfermarkt" portali Husanovni 35 mln evroga baholamoqda. Uning avvalgi narxi 12 mln evro edi.
- Husanovda bozor qiymatining ikki baravardan ko'proq o'sishi bir vaqtning o'zida bir nechta omillarga bog'liq, - deydi Transfermarkt'ning rus tilidagi tahririyati rahbari Georgiy Lekarev. - Asosiy omil: transfer narxining yuqoriligi - "Manchester Siti" Husanovni 40 mln evro evaziga o'z safiga qo'shib oldi, yana 10 mln evro "Lans"ga bonus sifatida to'lanishi mumkin.
Abduqodir yangi jamoa va yangi ligaga tez va muvaffaqiyatli moslashdi. APL - Franciya Liga 1'ga nisbatan murakkab va intensivroq chempionat. Bundan tashqari, umumiy olganda kuchli va shu bilan birga tezkor markaziy himoyachilarga talab ortdi. Yuqori tezlik Husanovga "Manchester Siti" to'pni yo'qotganda mudofaaga tez qaytish imkonini beradi.
Shu tariqa, Abduqodir Husanov Angliya Premer-ligasining eng qimmatlashgan futbolchilari ro'yxatida 4-o'rinni egalladi. Uning narxi sezib ulgurganingizdek, 23 mln evroga qimmatlashdi - faqat Aleksandr Isak ("Nyukasl", +25 mln evro), Itan Nvaneri ("Arsenal", +25) va Din Xeysen ("Bornmut", +24) bozor qiymatida ko'proq o'sishga erishdi.
Ushbu yangilanishdan so'ng, Abduqodir Husanov Osiyoda ikkinchi eng qimmat markaziy himoyachiga aylandi - u faqat "Bavariya"da o'ynayotgan koreyalik Kim Min Jedan (45 mln evro) ortda qolmoqda. Hozircha... Shuningdek, Husanov osiyolik barcha futbolchilar orasida to'rtinchi bo'ldi: undan faqat yaponiyalik Kaoru Mitoma ("Brayton", 45 mln evro), yuqorida tilga olingan Kim Min Je va yana bir yaponiyalik Takefusa Kubo ("Real Sosedad", 40 mln evro) qimmatroq.
O’xshash yangiliklar

Fikrlar
Оврўпога ўсмир бўлиб кетган бола,
Ватанига йигит бўлиб қайтиб келди.
Ўзга юртдан қадрин излаб кетган бола,
Ўз юртини машҳур қилиб қайтиб келди.
Жамоага йўлатмаган акалари,
Билганини ўргатмаган акалари,
Майдонда тўп ўйнатмаган акалари,
Қаранг, дадил сўзларини айтиб келди!
Абдуқодир чирик томни ёриб чиқди,
Таниш-билиш иллатидан ғолиб чиқди,
Ўзбек футболини кўкка олиб чиқди,
Юлдуз бўлиб порлайдиган пайти келди!
Харом-хариш бойликларни йиққан, беклар,
Ўздан чиққан ўзагини қирққан, беклар,
Ўн бармоғин оғизига тиққан, беклар,
Камбағалнинг боласини ҳайити келди!
Англизларни ўзбекчалаб гапиртирди,
Миллионларнинг юрагини ҳаприқтирди,
Ҳар ўйини юртдошларин соғинтирди,
Деманг, оддий сайёҳ каби дайдиб келди!
Худойимнинг қўллагани шунча бўлар,
Бир ўғлонга йўллагани шунча бўлар,
Эпин қилган эплагани шунча бўлар,
Ўз юртига мағрур, кулиб қайтиб келди!
Носиржон ТОШМАТОВ
⭕️ Каналга обуна бўлинг????????????
https://championat.asia/mushtumjurnali