Toshkent viloyati "Bolalar ligasi". Finalchilar aniq

Dastlab viloyatning bir nechta hududlarida musobaqaning guruh bosqichi bo'lib o'tdi. Avgust oyida Qiziltog' shaharchasida 6ta jamoa ikki guruhga bo'lingan holda final yo'llanmasiga oydinlik kiritishdi. 

2001-2002 yillarda tug'ilgan bolalardan iborat ishtiroklar o'rtasidagi bellashuvlarda o'z guruhlarida birinchi bo'lgan Yangiyo'l shahrining BO'SM va Bekobod tumanining "Metallurg" jamoalari final yo'llanmasini qo'lga kiritishdi. Endi mazkur raqiblar sentyabr oyida tashkil qilinadigan final uchrashuvida maydonga tushishib, g'olib nomini aniqlashadi. Xuddi shu yosh toifasida "A" guruhida ikkinchi o'rinni qo'lga kiritgan Bekobod shahri jamoasi "Istiqlol" esa, uchinchi o'rin sohibiga aylandi. 

Toshkent viloyati "Bolalar ligasi". 2001-2002 yillar

3-O'RIN

"Istiqlol" (Bekobod shahri)

FINAL

"Metallurg" (Bekobod) - BO'SM (Yangiyo'l)

2003-2004 yillarda tug'ilgan bolalardan iborat jamoalar o'rtasidagi bahslardagi natijalar ham kattalarnikidan deyarli farq qilgani yo'q. Jumladan, "Istiqlol" bu yosh toifasida ham uchinchi o'rinni o'ziniki qildi. Finalga BO'SM yo'l oldi, faqat uning bu safargi raqibi Olmaliqning BFMi bo'ladi. 

Toshkent viloyati "Bolalar ligasi". 2003-2004 yillar

3-O'RIN

"Istiqlol" (Bekobod shahri)

FINAL

BO'SM (Yangiyo'l) - BFM (Olmaliq)

Yuqorida takidlaganimizdek, musobaqaning final uchrashuvlari sentyabr oyida o'tkazilishi rejalashtirilgan.