To'rt nafar hamyurtimiz Qirg'iziston chempioni safidan o'rin oldi

Yoshlar o'rtasida 2003 yili JCHda ishtirok etgan mahoratli himoyachi Temur Sultonovning faoliyatida oxirgi yillarda sezilarli pasayish bo'lganini ko'ryapmiz. O'tgan mavsum “Andijon” va keyinchalik “Xotira-79” jamoasida o'ynagan futbolchini bu yil hech bir klubda ko'rmayotgandik. Olingan malumotlar ko'ra, Sultonov joriy yilni legioner sifatida o'tkazmoqda.

33 yoshli Artur Parvanov oxirgi yillarda qo'lqoplarini mixga ilib, “Oq-tepa”da darvozabonlar bilan ishlovchi murabbiy sifatida faoliyat yuritayotgandi. Ammo keyinchalik Toshkent jamoasidagi o'zgarishlardan so'ng Parvanov yana qo'lqoplarini oldida, futbolchilikni davom ettirishga qaror qildi.

Ayubxon Gapparovni ham bu yil o'zimizda hech bo'lmasa birinchi liga klubida uchratamiz deb o'ylagandik. Ammo 23 yoshli futbolchi ham O'shning “Oloy” jamoasiga o'tishga qaror qildi.

Yuqoridagi futbolchilardan tashqari ushbu jamoaga borib qo'shilgan yana hamyurtlarimizdan yana bir bu – Ernest Sedkodir. Bungacha asosan Qozog'iston birinchi ligasida o'ynagan hujumchi qishda “Andijon” va “Qo'qon-1912” ko'rigida ham bo'lib qaytgandi.

Qirg'iziston chempionatida ishtirok etuvchi O'shning “Oloy” jamoasi haqida qisqacha to'xtaladigan bo'lsak, klub 1960 yili tashkil topgan. O'tgan yili oliy ligada 4-o'rinni egallagan. 2013 yili esa mamlakat chempionligini qo'lga kiritgan. SHuningdek (1992, 1993, 1996, 2008, 2009, 2012 yllar) 6 karra bronza medaliga egalik qilgan.

Bundan tashqari 2013 yili mamlakat Kubogini ham yutgan. 6 marotaba Kubok finalida ishtirok etgan.