Timur Vasilev: "Bizda taniqli futbolchining o'zi yo'q"

Ushbu bahsdan so'ng "Obod" klubi sardori Timur Vasilev o'yind haqida o'z fikrlarini bildirdi.

"Biz bor kuchimiz bilan harakat qildik. Barcha futbol muxlislari yaxshi biladi, "Obod" jamoasi qayta jonlandi.15-20 kun ichida yangi futbolchilarni jamoaga jalb qildik. Tarkibda yosh futbolchilar ko'p. Qo'limizdan kelgan barcha ishni amalga oshiryapmiz. Hozirgacha 3ta o'yin o'tkazdik. "Buxoro" bilan bo'lgan uchrashuvda ko'p vaziyatlar yaratdik, faqat ulardan ikkitasidan foydalandik. 

Omad bizdan biroz yuz o'girdi. "Buxoro" jamoasi anchadan beri oliy ligada ishtirok etib kelmoqda. Bir qator tajribali futbolchilari bor. Bizda esa taniqli futbolchining o'zi yo'q. Keyingi turda "Bunyodkor"ga qarshi safarda bahs olib boramiz. Bu futbol, shuning uchun ham har qanday raqibga qarshi o'ynash kerak. "Qaldirg'ochlar"ga qarshi uchrashuv oldidan yaxshi tayyorgarlik ko'ramiz. Yo'l qo'yilgan xatolar ustida ishlaymiz va ularni bartaraf etamiz", - deydi  Timur Vasilev

Jahongir Sotvoldiev yozib oldi