Terma jamoamiz kecha yig'inni boshladi

Terma jamoaga chaqiruv olgan futbolchilar kechki payt "Jar" stadionida mashg'ulot o'tkazishdi. Yig'inda 23 yoshgacha bo'lgan futbolchilar bilan birga Farhod Tojiev, Fozil Musaev va Islom To'xtaxo'jaev ishtirok etishdi. To'liq tarkib hali taqdim etilmadi.

Bugun futbolchilar nazariy mashg'ulotda ishtirok etishadi.

Eslatib o'tamiz, O'zbekiston terma jamoasi 4 sentyabr kuni Iordaniyaga qarshi o'rtoqlik uchrashuvini o'tkazadi.

8 sentyabrda esa Yangi Zelandiya Toshkentda mehmon bo'ladi.

Ikkala bahs ham "Paxtakor" stadionida bo'lib o'tadi. Iordaniyaga qarshi uchrashuv uchun chiptalar stadion kassalarida sotilmoqda.