Terma jamoa “Bunyodkor”da mashg'ulot o'tkazdi

Osiyo Kubogi-2015ga tayyorgarlik ko'rayotgan O'zbekiston milliy terma jamoasi Toshkentdagi yig'inga kirishdi. Mavsum yakuniga etganidan so'ng tashkil qilingan dastlabki yig'in 29 noyabrga qadar davom etadi. Malumki, bosh murabbiy Mirjalol Qosimov ushbu yig'inga 23 nafar futbolchini taklif etgan.



CHempionat yakuniga etganidan beri futbolchilar ilk bor yig'ilishgani bois dastlabki kun mashg'uloti jismoniy tiklanishga qaratildi. O'yinchilar asosan maydon bo'ylab yugurish mashqlarini bajarishdi, to'p bilan umuman ishlanmadi. Keyin esa stadion hudida joylashgan sport zalda aerobika mashqlari bajarildi. Bu mashg'ulotni terma jamoa murabbiylar shtabiga yaqinda qo'shilgan Aleksandr Volkov o'tkazdi. Bosh murabbiy Mirjalol Qosimovning aytishicha, Toshkentdagi yig'in davomida nazorat bahsi o'tkazilmaydi. Ertangi kun tartibidan trenajyor zalida ishlash o'rin olgan. Terma jamoaga chaqirilganlarning hammasi soppa-sog', jarohat olganlar yo'q.





Eslatib o'tamiz, terma jamoa azolari 1 dekabr kuni yig'inni davom ettirish maqsadida BAAga jo'nab ketishadi. Yanvarda bo'lib o'tadigan Osiyo chempionatida O'zbekiston termasi guruh o'yinlarida Saudiya Arabistoni, Xitoy va KXDRga qarshi bahs olib boradi.