Terma jamoa kimlarning qo'lida o'yinchoq bo'ldi?

U so'nggi yillarda terma jamoa atrofida sodir bo'layotgan voqealarga munosabat bildirdi.

— Men millatchi emasman. Lekin, terma jamoa mening g'ururim, mening orim, mening yuzim. SHu jamoa 8 yildan beri 2 ta inson (Vadim Abramov hamda Samvel Babayan nazarda tutilmoqda — "Champioanat.asia" tahr.) qo'lida o'yinchoq bo'lganiga achinaman. Keladi, xohlagan ishini qiladi. Fikrgayam, muxlisgayam "qo'yib qo'yadi", xohlagan futbolchisini chaqiradi — istagan ishini qiladi. Oxiri bittasi hamma aybni o'ziga oladi, bittasi matbuot anjumaniga kelmay qo'ya qoladi. 

Xato qilish ayb emas. Uni takrorlash ayb. Qachongacha shu xatoni takrorlaymiz? Milliy jamoada Sarkisyan ham ishladi, Babayan ham ishladi, Abramov ham ishladi. Siz tasavvur qilolasizmi, 3 ta o'zbek murabbiy borib Armaniston terma jamoasini boshqarishini?

Men juda ham bag'rikeng odamman. Lekin, bizning ham g'ururimiz bor-ku! Agentlik bilan shug'ullanadi bu. Futbolchiga aytadi: bunga qo'l qo'y, unga qo'y... Jasur Jaloliddinovni ko'rdik. O'sha payt shu bola uchun biz ham harakat qildik. Qutqarib qolish uchun! Endi bir etim bolani o'ylamagan odam sizning terma jamoangizni o'ylaydimi?!

"Vadim Abramov bahona qilmasin!" — D. Imomxo'jaev