Temur Kapadze: "Yoshlarimizni yorqin kelajak kutib turibdi"

- Janubiy Koreyaga qarshi o'yin haqida nima deya olasiz?
- O'yin juda muhim edi, sababi Janubiy Koreyada alamimiz ham bor edi. Bitta o'yin barchasini hal qilardi, ko'rdingiz bir qator vaziyatlar tashkil etildi. Ammo qaerdadir omadimiz kelmadi, qaerdadir hakamlar xato qilishdi.

Afsuski yurtimizga g'alaba bilan bormoqchi edik, nasib qilmagan ekan. Ko'p gapirishning foydasi yo'q. Barcha o'yinni ko'rdi, yigitlar bor kuchi bilan o'ynadi, yoshlarimiz hali o'zlarini ko'rsatishadi. Ularni yorqin kelajak kutib turibdi. Oldinda Jahon chempionati saralashi kutib turibdi.

- O'yin vaqtida jarohat oldingiz...
- Futbolda hech kim jarohatdan sug'urtalanmagan. Qatardagi musobaqada ham ilk o'yinda boshim shikastlangandi. Jarohatga ahamiyat ham bermadim, agar qon bo'lmasa shunday o'ynashda davom etaverardim. Alam qilgani qo'shimcha vaqtda yo'q joydan gol qo'yib yubordik...

- Osiyo Kubogidagi ishtirokdan qanchalik ko'nglingiz to'ldi?
- Ochig'ini aytaman ko'nglim to'lgani yo'q. Minimum vazifa finalga chiqish edi. Maqsadimizga eta olmadik, bundan yaxshiroq ishtirok etishimiz mumkin edi. Yigitlarning hech biriga etiroz yo'q.