Temur Jo'raev, penaltilar seriyasi va sovrinlar
29 may 2020 19:39
Yangiliklar
![](https://championat.asia/upload/storage/569715_original.jpg)
![](/upload/storage/569715_220.jpg)
Temur Jo'raev, penaltilar seriyasi va sovrinlar
Jo'raev bir necha penaltilar seriyasidagi qahramonligi sababli MDH CHempionlar Kubogi va O'zbekiston Kubogi "Paxtakor"ga nasib etishida ulkan hissa qo'shgan. 2007 yil boshida Moskvada o'tkazilgan MDH CHempionlar Kubogida "Paxtakor" ushbu musobaqada yagona muvaffaqiyatini qayd etgan. Temur Jo'raev esa ikki bor penaltilar seriyasida qahramonga aylangan. CHorak finalda Serbiyaning OFK klubiga qarshi kechgan bellashuvda 1:1 hisobi qayd etilgan. Seriyada darvozabon serbiyaliklardan Bojovich va Pilipovich tomonidan tepilgan to'plarni qaytarib, yarim finalga yo'l olinishiga yordam beradi. Finalda esa Latviyaning "Ventspils" jamoasiga qarshi bahsda u Ignatiy Nesterov o'rniga 108-daqiqada maydonga tushiriladi. Penaltilar seriyasida Zangareev va Vanensning zarbalaridan so'ng to'pni qaytaradi. Agar Zangareevning zarbasi bartaraf etilmaganda g'oliblik Latviya klubiga nasib etardi. Hal qiluvchi zarbani qaytarishdan avval Jo'raevning o'zi seriyada zarbani aniq amalga oshiradi. Bu g'alabada uning seriyadagi qahramonligi katta o'rin tutgan.
2007 yil oxirida esa O'zbekiston Kubogi finalida u yana bir sovrin yo'lida qahramonlik ko'rsatadi. "Quruvchi" bilan final 0:0 hisobida yakunlanadi. 116-daqiqada yana Nesterov o'rniga tushirilgan Jo'raev o'zidan kutilgan ishonchlarni to'liq oqlaydi. Raqibdan G'ofurovning zarbasini to'sib olgan Temur hal qiluvchi penaltini o'zi amalga oshirib, "Paxtakor"ning O'zbekiston Kubogini qo'lga kiritishini taminlaydi. shu tariqa bir yil ichida deyarli ikki bir xil scenariy yordamida "Paxtakor" o'z sovrinlari sonini 2taga ko'paytiradi,
Eslatib o'tamiz, Temur Jo'raev "Paxtakor" darvozabonlari orasida chempionat o'yinlarida o'yin o'tkazish bo'yicha 7-o'rinni egallab turibdi. CHempionatda 96 bahsda maydonga tushgan ushbu posbon OCHLda 21 uchrashuvda jamoa sharafini himoya qilgan.
O’xshash yangiliklar
![AMP Logo](https://championat.asia/image/logo-amp.png)
Fikrlar