Talgat Baysufinov: "Salomov haqida ijobiy fikrdaman"

Yig'in doirasida bir nechta nazorat uchrashuvlari o'tkazildi. Jamoa bosh murabbiyi Talgat Baysufinov Vesti.kz muxbirining savollariga javob berar ekan, o'zbekistonlik futbolchilarning o'yiniga ham etibor qaratdi. Takidlash joiz, Irtish tarkibida hamyurtlarimizdan Ulug'bek Baqoev, Kamoliddin Murzoev va SHavkat Salomov to'p tepishadi.

- Yig'in uchun rejalashtirganlarimizning barini amalga oshirdik. Birgina Kamoliddin Murzoevning oyoq paylarini cho'zib olganini inobatga olmaganda, jiddiy jarohatlar bo'lmadi. SHu sabab bilan u ikki kunlik mashg'ulotlarni o'tkazib yubordi. Uchinchi kuni esa safga qaytdi. Darvoqe, Murzoev bilan kelishuvni yana bir yilga uzaytirdik.

- Jamoaning yangi futbolchilari, xususan, SHavkat Salomov qanday taassurot qoldirdi?
- SHavkat haqida ijobiy fikr bildira olaman. Jamoa o'yiniga tezda kirishib ketdi. Qozog'iston chempionatida o'ynagani ham unga qo'l kelmoqda. Nima talab qilinayotganini juda yaxshi biladi. Eng muhimi, futbolchilar bilan ham yaqindan tanish.