Svetlana Saakova Osiyo O'yinlarida komissarlik qiladi

Osiyo O'yinlarining ayollar o'rtasidagi futbol musobaqalarida ishlaydigan rasmiylar nomi elon qilindi. Unga ko'ra, o'zbekistonlik komissar - Svetlana Saakova mazkur musobaqa bahslariga komissar sifatida taklif etildi.

Takidlash joiz, Osiyo O'yinlarining ayollar o'rtasidagi futbol musobaqalari 14 sentyabr - 3 oktyabr kunlari oralig'ida bo'lib o'tadi va unda 8 terma jamoa Osiyo O'yinlari g'olibligi uchun kurash olib boradi.

Eslatib o'tamiz, Svetlana Saakova bungacha 10-15 iyun kunlari Vetnamning Xoshimin shahrida 14 yoshgacha bo'lgan o'smir qizlar o'rtasida ASEAN mintaqasi chempionatida komissar sifatida ishlagan edi.