"Suvon" darvozaboni: "Omad bizga kulib boqdi"

"Suvon Samsung" va "CHonbuk Xyunday" klublari o'rtasida kechgan bellashuvda mehmonlar 3:0 hisobida zafar quchishdi. Birinchi o'yinda "Suvon" jamoasi xuddi shu hisob bilan g'alaba qozongandi. SHu bois javob bahsi qo'shimcha taymlarga cho'zildi.

Ammo qo'shimcha bo'limlarda gol urilmagach g'olib penaltilar seriyasida aniqlanadigan bo'ldi. Bunda "Suvon Samsung" klubi raqibidan 4:2 hisobida ustun keldi. Penaltilar seriyasi qahramoni SHin Xva Yong o'yinga shunday tarif berdi:

- "CHonbuk" kuchli klub, lekin biz ham qarab turmadik. Himoyaviy o'ynashga harakat qilganimiz bois uchta to'p o'tkazib yubordik. Ammo men raqibga o'yin oxirlarida to'rtinchi golni urishga bermadim. Yo'qsa OCHL bilan xayrlashardik. Bahs qiyin kechdi va biz penaltilar seriyasida zafar quchdik. Omad bizga kulib boqdi. Men 2009 yil "Poxang" tarkibida OCHLda zafar quchgandim. Endi bu natijani "Suvon Samsung" bilan ham takrorlashni xohlayman".