So’nggi yangiliklar

00:48Виктор Гёкерешни яхшигина пулга сотган "Спортинг" 25 млн. еврога Луис Суаресни сотиб олди  1 00:27Равшан Эрматов: "Ўртоқлик ўйинлари ҳақида бир тўхтамга келганимиздан сўнг хабар берамиз"  5 00:10Уче Бриансео Нвадике: "Осиё кубоги саралаш босқичида нималарга қодир эканлигимизни кўрсатамиз"  0 23:44Мираброр Усмонов Кубоги-2025. Индивидуал совринлар кимларга насиб этди?  1 23:26Тимур Кападзе: "Аргентина ва Уругвай билан ўйин... Бу маълумот ҳақиқатга яқин"  18 23:00"Бавария" Риберининг учинчи ўринбосари учун 75 млн евро сарфлади. Бу сафар натижа қандай бўларкин?  2 22:53Тер Стеген ва "Барселона" ўртасидаги муносабатлар таранглашганми?  1 22:22"Нефтчи" уч нафар футболчи билан шартнома имзолади  2 22:10U-23. Ўзбекистон – Япония 0:2  4 21:55Мираброр Усмонов Кубоги-2025. Япония U-23 Ўзбекистонни мағлуб этди ва турнир ғолибига айланди  75 20:56ПСЖ Доннарумма борасида "Челси", "Галатасарой" ва бошқа клублар таклифларини кўриб чиқишга тайёр  4 19:57"Локомотив" Тожикистон жамоасидан енгилди  3 19:43"Эвертон" Кубога қизиқиб қолди  0 19:19Жака АПЛга қайтмоқда   1 18:39Гвардиола "Барселона"га қайтадими?  11

"Surxon"ning logotipi o'zgardi Yangiliklar

"Surxon"ning logotipi o'zgardi

Teglar :  Surxon
Superliga bahslarida ishtirok etayotgan Surxon jamoasi kelasi mavsumdan yangi logotip ostida harakat qiladi.

Yangi logotipda quyidagi manolar aks etgan:

1. Quyosh.

Surxondaryo O'zbekistonning janubida joylashgan viloyat hisoblanadi. Tarixdan Surxondaryo - quyoshli o'lka deb yuritilib kelingan. Yoz faslida Surxondaryoda havo - harorati anchagina issiqni tashkil qiladi. SHunga monand logotipda quyosh tasviri aks ettirilgan.

2. Tog'lar.

Surxondaryo o'zining qadimiy tog'lari va joylari bilan ham mashxur. «Boysun» tog' tizmasi, Boysun tog' tizmasidagi «Omonxona» bulog'i, «Teshiktosh» g'ori, «Dalvarzintepa», «Sangardak» va h.klar fikrimizning yaqqol dalilidir.

3. 1968.

«Surxon» futbol klubi 1968 yilda tashkil etilgan. Dastlabki mavsumda jamoa «CHegarachi» nomi bilan ishtirok etgan. Keyingi to'rt yili «Avtomobilist» nomi ostida harakat qilgan. 2009-2010 mavsumda «Dinamo-Hamkor», 2010-2011 mavsumda «Termiz» nomi ostida harakat qilgan jamoa 2012 yildan yana o'zining qadrdon «Surxon» nomi ostida harakat qila boshladi va bugungi kunda shu nom ostida harakat qilib kelmoqda. Logotipdagi 1968 yozuvi klub aynan shu yili tashqil etilganligi bildiradi.

4. Ot tasviri.

Ot tasviri ham Surxondaryo tarixiga bog'langan. «Alpomish» dostonini o'qimagan yoki eshitmagan o'zbek farzandi mavjud emas. Halq og'zaki ijodidan olingan ushbu doston nafaqat O'zbekistonda, balki dunyoning bir qator mamlakatlarida ham sevib o'qiladi. Alpomish" dostoni mazmuniga oid asosiy voqealar oltoy, tatar, boshqird, qozoq, qoraqalpoq va boshqa turkiy xalqlarda ertak, rivoyat, doston shaklida mavjud.

 “Alpomish” dostoni bizga vatanparvarlik fazilatlaridan saboq beradi. Odil va haqgo'y bo'lishga, o'z yurtimizni, oilamiz qo'rg'onini qo'riqlashga, do'stu yorimizni, or-nomusimizni, ota-bobolarimizning muqaddas mozorlarini har qanday tajovuzdan himoya qilishga o'rgatadi”.

«Alpomish» so'zi ikki qismdan iborat bo'lib, «alp» -ulkan, «pomish» - bahodir, pahlavon manosini beradi.

BOYCHIBOR, CHibor — epik ot. Alpomishning xos oti, uning barcha safar va sarguzashtlarida ajralmas yo'ldosh. Boychibor, Boybo'rining xonazot yilqilaridan Tarlonbiyaning bolasi, epik anana asosida afsonaviy uchqur ot sifatida tasvir etiladi. «Alpomish» dostonida «Qo'ltig'ida to'rt yarim gaz qanoti, asl tulpor ekan o'zbekning oti», deb tariflanadi.

SHu va yana bir qancha faktlarga asoslanib, logotipda ot tasviri tushirilgan.

Xulosa qilib aytganda «yangi logotip» bevosita Surxondaryo tarixi bilan bog'langan. Ushbu logotip bir qator mutaxassislar tomonidan maqul deb topildi.


Reyting: +39   

Fikrlar

championat.asia
< so’nggi yangiliklarni ko’rish
Яндекс.Метрика