“Supermokh Cup 2016”. 2-kun. “Bunyodkor-2002”dan navbatdagi g'alaba

Sergey CHigodaev va Akmal Risqullaev boshchiligidagi “Bunyodkor-2002” jamoasi 2-turda Yaponiyaning “Syonan Belmare” klubi bilan kuch sinashdi va 1:0 hisobida g'alab qozondi. G'alaba keltirgan yagona gol muallifi Jasur Jaloliddinov bo'ldi.

SHu tariqa, U-14 jamoamiz keyingi bosqich masalasini deyarli hal qildi. Ertangi raqibimiz Portugaliyaning “Sporting” jamoasi bo'ladi. Ushbu uchrashuv orqali guruh g'olibi nomiga oydinlik kiritiladi.

2004 yilda tug'ilgan futbolchilar o'rtasidagi bahslar ham qiziqarli kurashlarga boy o'tmoqda. Mirkamol Qosimov va Timur Boboxonov shogirdlari bugun Janubiy Avstraliya terma jamoasi bilan bellashdi. Gollarga boy o'tgan uchrashuvda, afsuski tarbiyalanuvchilarimiz 2:4 hisobida imkoniyatni boy berib qo'yishdi. Jamoamiz gollari Dilmuhammad Ginoyatov va Azizbek Mahamadjonov tomonidan kiritildi. Ushbu yosh toifasida ham uchinchi tur uchrashuvi Lisabonning “Sporting” klubiga qarshi o'tkaziladi.