Superliga-2022. 24-turning eng yaxshilari
04 noy 2022 16:18
Yangiliklar

Superliga-2022. 24-turning eng yaxshilari

Kuni kecha Coca Cola Superligasining 24-turidan o'rin olgan o'yinlarga yakun yasaldi.

Championat.asia o'tkazilgan bahslar asosida tur laureatlarini aniqladi.

Superligani tark etib bo'lgan Samarqandning "Dinamo" jamoasi bu tur Qarshida mehmon bo'lishdi. Uchrashuvning 4-daqiqasidayoq mezbonlar Ivan Solovyovning bosh bilan urgan goli evaziga hisobda oldinga chiqib olishdi. SHundan keyin samarqandliklar posboni Farhod Rahmatov go'yo -"nima qilsangiz ham bugun menga boshqa gol urolmaysizlar", - degandek qo'riqladi darvozasini. Solovyov, Stanoevich va Aliqulovning o'yindan bergan xavfli zarbalarini bartaraf etdi. 64-daqiqada esa Mateus Lima tomonidan ijro etilgan penaltini ham qaytardi. Aynan u sabab "Dinamo" "Nasaf"ga yirik hisobda yutqazmadi. "Dinamo" darvozaboni Farhod Rahmatov Championat.asia sayti talqiniga ko'ra, 24-turning eng yaxshi darvozaboni deb topildi.

Bu turda "Paxtakor" yarim himoyachisi Doston Hamdamov "So'g'diyona"ga qarshi bahsda jarima maydonchasi tashqarisidan chiroyli gol urdi va tur goliga mualliflik qildi. VIDEO

OCHLga yo'llanma beruvchi o'rinlar uchun kurash olib borayotgan AGMK bu turda "Neftchi" mehmoni bo'ldi. Uchrashuvning birinchi bo'limi farg'onaliklarning g'alabasi bilan yakunlandi. Ikkinchi 45 daqiqalikda esa Mirjalol Qosimov o'zgarishlar evaziga o'yinni yutib ketdi. Ha, aynan murabbiy zaxiradan tushgan futbolchilar har uchchala golni urishdi va olmaliqliklarga safarda muhim 3 ochkoni taqdim etishdi. SHu kuni M.Qosimov zaxiradan tushirgan Martin Boake 2ta gol urdi, Alisher Jalilov golli pas berdi Eldor Begimov gol urdi. SHunday qilib, Championat.asia sayti talqiniga ko'ra, Mirjalol Qosimov 24-turning eng yaxshi murabbiyi deya etirof etildi.

Superliga 24-turida "Olimpik" jamoasi uyda "Metallurg"ni 2:1 hisobida mag'lub etganidan xabaringiz bor. Ana shu uchrashuvning 15-daqiqasida "Olimpik" yarim himoyachisi Farruh Muxtorov jarohat oldi va uning o'rniga majburiy o'zgarish o'laroq Muhammadali G'iyosov maydonga tushirildi. Va G'iyosov kutilmaganda taqdim etilgan imkoniyatdan maksimal foydalandi. U jamoasi tepgan penaltini ishladi (undan oldin raqib himoyachisi Abror Toshqo'zievdan to'pni olib qo'yib penalti ishlangan qarshi hujumni boshlab bergandi), keyin Lobanov qaytargan to'pni darvozaga joyladi. Ikkinchi bo'limda esa o'z dublini rasmiylashtirib qo'ydi. SHu kuni zaxiradan tushib jamoasiga g'alabani olib bergan Muhammadali G'iyosov Championat.asia talqiniga ko'ra 24-turning eng yaxshi futbolchisi deb topildi.