Superliga. 15-tur laureatlari
16 avg 2021 13:37
Yangiliklar

Superliga. 15-tur laureatlari

Kuni kecha Superliganing 15-turidan o'rin olgan o'yinlar yakunlandi.

Championat.asia tur bahslari asosida tur laureatlarini aniqladi.

"Turon" klubi bu tur o'z maydonida "So'g'diyonag"ga qarshi o'ynadi va muhim g'alabaga erishdi. Yaypan klubi bu mavsum faqat bir marta mag'lub bo'lgan Jizzax klubini taslim eta oldi. SHu bois Igor SHkvirin championat.asia sayti talqiniga ko'ra 15-turning eng yaxshi murabbiyi deb topildi. Igor Anatolevich "Turon"ga kelganidan buyon 5ta o'yin o'tkazdi va 2ta g'alaba va 3ta durangga erishdi.

"Navbahor" bu tur o'z maydonida "Lokomotiv"ni qabul qildi va kichik hisobda g'alaba qozondi - 1:0. Ushbu bahsda mezbonlar posboni O'tkir Yusupov juda yaxshi o'ynadi. U bellashuv davomida jamoasini bir necha bor muqarrar gollardan saqlab qoldi. SHu bois Championat.asia sayti talqiniga ko'ra, 15-turning eng yaxshi darvozaboni O'tkir Yusupov bo'ldi.

Bu turda "Qizilqum" yarim himoyachisi Giorgi Kuxianidze "Qo'qon-1912" darvozasiga ajoyib gol urdi va tur goli muallifiga aylandi.

"Bunyodkor" bu tur "Metallurg"ni 2:0 hisobida mag'lub etdi. SHu kuni "qaldirg'ochlar" safida Farruh Ikromov juda faol o'ynadi. Dastlab o'zi gol urdi, so'ngra sherigiga golli uzatma amalga oshirdi. SHu tariqa, Farruh Ikromov championat.asia talqiniga ko'ra 15-turning eng yaxshi futbolchisi deb topildi.