Sulsher: “Bizga APL bosh sovriniga asosiy davogar sifatida qarash kerakmas”

“Ikkinchi bo'limda biz yaxshi o'yin ko'rsatdik. Ammo darvozamizga yo'llangan uchta aniq zarbaning hammasi golga aylandi. Bunday albatta yoqimsiz holat. Raqibning ikkita javob goliga yaxshi munosabat bildirik, ammo qo'shib berilgan to'rt daqiqa yakunida to'pni burchakka yaqin joyda saqlab, o'yinni yakunlashimiz kerak edi. O'tkazib yuborilgan golda hech kimni ayblamoqchi emasman. Ammo barchamiz bir narsani yaxshi tushunib turibmiz. Biz har bir imkoniyatdan bugungidanda yaxshiroq foydalana olishimiz mumkin. To'rtinchi golni kiritishimiz lozim edi.

Xames va Risharlison bizga etarlicha muammolar tug'dirishdi, ajoyib ikkita gol kiritishimizga qaramay birinchi bo'limdan keyin 2:0 hisobida oldinga borishimiz adolatli hisob emasdi.

Hujum chizig'imiz raqib darvozasi oldida yaxshi harakat qildi. 3:3 hisobi har ikkala jamoa hujumda samarali o'ynay olganini ko'rsatib turibdi. Mazkur bahs MYU muxlislaridan tashqari ko'plab insonlarga maqul tushgan bo'lishi aniq.

Natija kayfiyatni belgilaydi. Biz stadionni tushkun kayfiyat va bir ochko bilan tark etdik”, dedi murabbiyi Sky Sports kanaliga bergan intervyusi chog'ida.

Sulsher shogirdlari APL turnir jadvalida 23 turdan keyin 45 ochko to'plab, ikkinchi pog'onada borayotan bo'lsa, "Everton" 37 ochko bilan oltinchi pog'onani band etgan. Anchelotti jamoasi hisobida ikkita zaxira o'yini ham mavjud.