So'rovnoma yakunlari. Ko'pchilik Abramov faqat terma jamoada ishlashi kerak deyapti
17 noy 2020 12:57
Yangiliklar
![](https://championat.asia/upload/storage/604090_original.jpg)
![](/upload/storage/604090_220.jpg)
So'rovnoma yakunlari. Ko'pchilik Abramov faqat terma jamoada ishlashi kerak deyapti
Malumki, Vadim Karlenovich bir paytning o'zida ham O'zbekiston milliy terma jamoasi, ham "Bunyodkor" klubida ish olib bormoqda. Bu birinchi marta ro'y berayotgan holat emas. Avval ham ikkita joyda ishlagan murabbiylarni ko'rganmiz.
Lekin shunisi aniqki, bu o'rinda baribir bir ish ikkinchisiga xalaqit beradi. Ayniqsa gap mamlakatning birinchi raqamli jamoasi haqida borayotgan bo'lsa.
Sizningcha, Vadim Abramov... deb boshlangan so'rovnoma qatnashchilarining eng ko'p 39 foizi murabbiy faqat terma jamoada ishlashi kerak degan variantda to'xtalgan. Faqat "Bunyodkor"da ishlashi kerak javobi 15% ovoz to'pladi. SHuningdek, 9 foiz ishtirokchi ham terma jamoa, ham "Bunyodkor"dan ketishi kerak degan bo'lsa, faqat 6 % ishtirokchigina har ikkalasida ishini davom ettirgani maqul degan.
So'rovnomada eng oxirgi variant sifatida "O'zbek futbolidan ko'nglim qolgan" deb yozgandik. Buni qarangki, 31 % muxlis aynan shu variantni belgilagan. Ehtimol, Suriyaga qarshi o'rtoqlik uchrashuvida mag'lub bo'lganimizdan so'ng ko'pchilik g'azab bilan shu javobni bosgan bo'lsa kerak.
Bugun terma jamoamiz Iroqqa qarshi o'rtoqlik uchrashuvida maydonga tushadi. Nima bo'lgan taqdirda ham vakillarimizga omad tilab qolamiz. Vadim Abramov mavzusi esa hali davom etadi.
O’xshash yangiliklar
![AMP Logo](https://championat.asia/image/logo-amp.png)
Fikrlar