"So'g'diyona": Kechagi mashg'ulotlar haqida

So'nggi mavsumda jamoada harakat qilgan Ayubhon No'monov, Orif Mamajonov, Jasur Hakimov, Salamat Quttiboev, Aleksandr Melenchuk va Oleksandr Koblashdan tashqari barcha futbolchilar mashg'ulotlarda qatnashishmoqda.

2013 yilda So'g'diyonada harakat qilgan Maruf Murodov ham hozirda jamoa bilan birga. Tojikiston chempionatida to'p tepgan Farhod Yo'ldoshev jizzaxliklar yig'iniga qo'shilgan.

Mashg'ulotlar Yangi yilgacha qarorgohda davom ettiriladi. Yanvar oyi boshlaridagi tayyorgarliklar esa Zomin tog'larida futbolchilarning jismoniy holatlarini tiklashga va yaxshilashga jiddiy etibor qaratilgan holda olib boriladi.