Simonenko "Bunyodkor"ning Dubaydagi yig'iniga qo'shildi

Bugun futbolchiga "qaldirg'ochlar" qiziqib qolishgani haqida xabar bergandik. Klub qarorgohidan olgan malumotlarimizga ko'ra Simonenko Dubayga etib borgan va jamoa ixtiyoriga qo'shilgan.

"Bunyodkor"ning Toshkentdagi yig'inida ishtirok etgan ukrainalik legioner Rizvon Ablitarovga esa javob berilgan.

Mirjalol Qosimov shogirdlari bugun mahalliy vaqt bilan 18:00da (19:00 Toshkent) navbatdagi mashg'ulotni o'tkazishadi.

Eslatib o'tamiz, "Bunyodkor" bu yig'indagi ilk nazorat uchrashuvini 22 yanvar kuni "Rostov"ga qarshi o'tkazadi. "Qaldirg'ochlar" Dubayda Moskvaning "Dinamo" va "Spartak" klublariga qarshi o'ynaydi.